الاخ ابو عبد الرحمن لك التحية والاشواق من هنا لا عندك

اشكر جدا اضافاتك علي الموضوع وهي ما نصبو اليه وما نرجو ونتعشم من كل الاعضاء ففكرة المنتدي تبادل الاراء والتي ليست بالضرورة ان تتفق

لان الناس مذاهب اهم شي ان يدلوا بدلوهم. في لحظة طرح الموضوع نظرت للمتواجدون لقيتم عدد 12 استغربت ديل جوا من وين لكن المشاركات كانت

عدد 4 اشخاص في موضوع بهم الكل وكل زول ليه راي فيه لكن المشاركة ضعيفه بيوجعني في البحر السكات وامكن كل زول ما عاوز يخش في موضوع

شكلوا مهاترات وكلام مشحون فكرة الادب الجم والسكات عن البوح صابت المنتدي بالجمود اكتر من اسبوع منصرم مافي شي شد الناس وحركم

اللهم الا التواصل مع الارحام طال ما انه الموضوع يخص فطيس وتاريخ فطيس افتحوا الباب علي مصراعيه خلونا نولعها نار وكل زول يجيب العندو

احسن من نسكت ذي ما سكت الناس القبالنا وكل زول عندوا كبير يجيب لينا منو روايه وكان في شي مكتوب بكون اجمل واصدق وماتقول لي الموضوع

ما مهم ياخ انا عاوز اعرف انت بتحجي عبد الرحمن بي شنو عن فطيس وكان ما سال اسي بعد شويه بسالك يعني شنو فطيس واول زول سكن فيها

خلونا ندي اولادنا حاجه فيها عضم ما نقعد نلفق ليهم في شي نحن زاتو ما مقتنعين بيه عليك الله الفسطاط الجابو لفطيس شنو يعني مهما اتحرفت ما اظن

تبقي فطيس اخيرا اي زول يجيب العندو احسن من نسكت ساي

وانا ود نورين والشيخ الحسين ما مابي جيهتم لكن عندي حكايه لسه ما لقيت مرجعها انه فطيس دي اتسكنت قديم واتهجرت من قبل اخوان فطيس وعويس

من العنج ولا الفونج ما عارف لكن بلملم اصل الحكاية وبجيك