والله بلدنا دا بقي ذي الخرقه القديمه وين ما تهبشه تتمزق
اول امس قالوا السكر وصل 200 الف جنيه
وامس قالوا الزيت واللحمه وصلوا اسعار مبالغه
والليلة المويه عامله مظاهرات
الملاحظ انه ازماتنا دايما في الحاجات المحليه
يعني ما مستورده يعني امسك السكر قالوا عندنا كااااااااااام مصنع كده
الزيوت قالوا نحن دولة بتنتج الفول والسمسم وعباد الشمس وبذر القطن
اللحمه قالوا ثروتنا الحيوانيه من اجود واضخم الثروات الغنم والبقر والابل
والغزال والدجاج والتماسيح
المويه لا حول ولا قوة الا بالله والله دايما مهجس بي فكرة انه يوم القيامه ربنا حا يسأل السودانيين ديل عن نهر النيل والبسوه فيه
ياخ دا عار ياناس دي فضايح والله مهازل