[عوض خضر]

-فعلا ماعندي حل تاني خلاص انا فتحت لنفسي باب مع حاج منصور ومااظنو بتقفل بسهوله

- والله ياابوالشمال انت مشكلتك كأنو قافل عينك بيدك وماداير تعاين بعيونك الاتنين

-قصدك شنو مافاهم

-قصدي انت شايف الحاج منصور وجماعتو بس كأنو البلد دي مافيها ناس تانيين ماعاجبهم الحال وقاعدين يشتغلوا

بعيد بعيد

- والله يايعقوب ياخوي ماشفنا شئ بستاهل ولاسمعنا صوت خلانا ننتبه يعني نقعد ننكت في المطمور عشان نسمع صوتهم

ولا كيف
- لا الداير يشوق بعيونو الاتنين بشوفهم صاح حركتهم عايزه جهد عشان الزول يشوفهم لكن الاهم الرغبه

- صراحه انا ماعندي رغبه اشوف دا ولا دا وقاعد اتعامل مع الحاج منصور غصبا عني

يعني جماعتك البتتكلم عنهم ديل عملوا شنو ماهم سبب وصولنا للحال دا عشان ماكانوا قادرين يعملوا شئ في البلد

ومافاضيين للبلد مشغولين بخلافاتهم بس

- ممكن لكن دا مابعني انهم لسع ياهم ذاتهم اسع لينا كم زمن مع ديل ومافي بديل غيرهم الا كان عارف ليك بديل جديد

- ماعارف ولاداير اعرف انا بعد انفذ الدايرو حاج منصور دا لاداير اسمع من ديل ولا ديل

-تفتكر الحاج منصور حايقنع بالخدمه الطالبه منك بس مابرضو حاتظهر طلبات تاني

- الله يكضب الشينه دا الخايف منو انا

غمغم ود الشمال كأنه يحاول انتشال نفسه من حصار لافكاك منه

نواصل