ياساتر تستر علينا في الدنيا والاخرة .

لكن النسوان ديل يستاهل الطلاق ومعاها كم طلقة كدا من الكلاشنكوف وكم ضربة كدا بالعكاز لزوم الكسير .

الطلاق دا شين وما بتقابل وانا قدر ما اسمع حسوا مصارينا ديل بوجعوني .

في اعتقادي الضعيف ان الرجل عندما يتزوج وافكر في بناء بيت ما بكون بفكر في الطلاق في يوم من الايام وبالتاكيد كذلك المراة وبكون حريص لقيادة دفة الحياة لبر الامان وتكوين اسرة سعيدة بجانب المراة ولكن اختلاف الانظار وحداثة التجربة ربما تفرز بعض الاشكالات بينهم ودي ربما تكون القشة التي تقصم ظهر البعير .
الدنيا فيها اشكالات كتيرة ربما تكون في العمل او البيت او الدولة الي اخرة ودي ربما تزيد رتم المشاكل الاصلا موجودة وتخلق نوع من القلاقل بينهم والشيطان اعجبك في الحاجات الذي دي بنفخ فيها نفخ جد لمن اوصلا للاخر والاخر معلوم لدينا ويزيد الطين بلة دخول الاهل بصورة منحازة لطرف .
وزي ما قالت وفاء سوء الاختيار من البداية بالرغم من تحفظي عليها لان ( الواحد او الواحدة ) ازوج واحدة مابكون في تعارف كبير من البداية ولكن بعد الزواج يمكن التعارف ويستمر الزواج سمن علي عسل ودا حاصل بصورة كبيرة .
الناس لو بداءات بداية فيها حسن نية وتعاموا عن الصغائر ربما افوتوا الكثير من المشاكل .
ومتاكد اغلب المشاكل الحاصلة دي والطلاقات سببا بسيط وراجعة لسو فهم فقط .
وبتاكيد الطلاق حاااااااااااااااااااااااا ر كان للمراة ولا للرجل ولا ما كدي .
هنالك شواذ من القاعدة بتاعة ( سوء الفهم ) ربما لاسباب اخري هو او هي تراى ان المعيشة بيناتهم لا يمكن المضي بها ودي راجعة لاسباب شايكة يطول الحديث فيها ولكلا وجهة نظر فيها .
بتاكيد الطلاق لمن يقع بين اتنين بينهم اطفال بكون اصعب ومؤلم وبكون لة اثر علي الاطفال النتجوا من الزواج الفاشل دا ودي كمان دايرة ليها قعدة تانية لمن تجهزي الجبنة بجيك ليها .