حبابك هيثم وجيتك والله جابت لينا خير الزلط... وان شالله ينتم
بس عندي شوية تعقيب
Quote:
Originally Posted by hitham
اما المسار حسم فنيا وما اظن فى زول كان عنده يد لانو الجهة جهة هندسية عندها معطياتها ومعالجاتها فى عملها لا دخل لشخص او جهة سياسية .
القرى المستفيدة من المسار – الجزولى –فرج الله القديمة – المربيعة –تنوب وانت ماشى على طريق المناقل –مدنى .
|
المسار الذي أعتمد واضح من المخطوطات الفوق...من وادي شعير الي كبري المحطة...ثم يتجهه شمالا لغاية ..كوع الجنينة ثم غربا ثم شمالا ثم غربا...ولا اعرف
حا يتجهه وين
غايتو يا هيثم يا مهندسنكم ديل متعودين يرسمو كراكتير يا ناسنا دايرين زلط وخلاس
شارع الزلط...أهم شي فيهو يكون قليل التعرجات وإذا افترضنا إن الزلط في نية يتمو لغاية زلط المناقل
الطريق المنتطقي والهندسي ...معا الكنار لغاية تنوب....دا طريق زي الخيط...ثم الإتجاه غربا ثم جنوبا ..طريق عدييييييييييل
لغاية زلط المناقل......
ثم النظر إلي كيفية دخول الحلة....هو كويس انو يمر بأكثر عدد من الشوارع
ولكن نتمني فعلا أن يكون تم الإختيار بعد بحث ميداني... ومناقشة كل المشاكل التي يمكن أن يسببها
مرور الظلت في شوارع زي دي....مشاكل الخريف والمطر...الحواث
Quote:
Originally Posted by hitham
ثانيا : كونت لجنة عليا معتمدة من معتمد محلية الحصاحيصا بقيادة بروفيسور عبد الله عبد السلام وعضوية كل من :-
1/ الخال على التيجانى
2/ مختار الحسين
3/ عبدالله ابراهيم بروس
4/ كمال يوسف
5/ قاسم الشيخ
6/ عبد السلام عبد الرحمن
7/ الطيب مهدى
8/ صديق محمد عمر
9/حافظ بلة البشير
10/ الصادق عبد الله عمر
11/رمضان شاويش
12/ عوض هاشم
13/محمد الحسن محمد على سليمان
14/ ابراهيم دفع الله
اجتمعت اللجنة بتاريخ 1/11/2012م وناقشت المسار ووصلت لقناعة للمسار المحدد من الجهة الفنية وناقشت ايضا كيفية اعاشة تيم العمل من المهندسين والفنيين والعمال وفتح باب التبرعات .
معظم الاهل بالحلة باركت هذا العمل متمنين التوفيق والسداد .
|
نبارك ونشيد ونتمني ان توفق هذه اللجنة في متابعة العمل...
ونشكر كل من ساهم في الخروج بهذا المشروع الي ارض الواقع
ونتمني أن لا يرتبط الإفتتاح بجية السيد الرئيس لانو بعافية شوية..ونسأل الله أن يفرج كربتو
..............
سؤال لله
أنا بعرف إن الزلط دا تم شراءة بأسواط الناخبين...ولكن ما شايف إسم الزول السوطت ليو الناس هنا
ولا دا براهو