الرجوع بالذكريات سفر طويل ولذيذ .. كأني أنا من كنت أقطع تلك المسافات الغير مرهقة .. ولكن كنا أحيانا نذهب لمشاهدة التلفزيون وأحيانا لناس الدرديري وأخيرا لناس حافظ الأمام .. واخيرا لصديق لنا أسمه عبدالله الترزي .. فقط كنت أحيانا الحظ عوض حتي ساعات متأخرة من الليل والدنيا برد شديد .. وهو مازال في الحلة ماعارف كيف كان يقطع تلك المسافة الموحشة ... هل يقطعها وهو يرفع عقيرته بالغناء أم كان يتلفت في تلك الحظات ذات الصمت الا من صوت الصراصير ...
أما الآن الكوع صار موحش وممتلئ بجيف الحيوانات .. والزلط كمان قتل الحركة فيه الا من بعض الحركة القليلة بس بقي بتاع رواعية وكوارو.. وياحليل زمن الضباب وناس الضباب عباس طه وعادل خلف الله وقاسم محمد الحاج وعادل محمد الحاج وحافظ محمد الحاج والحاج الخليفة وزروق الرفاعي وزروق عثمان الحاج وبقية العقد الجميل .. ديل كانوا دفعتنا في المدرسة .. ومازلت أذكر أول يوم في المدرسة في سنة أولي وكان جاري عباس طه بعيونه اللامعة دوما وهو يبكي من الحر ..الضباب كانت بلد شاسع واسع وأذكر فريقها لكرة القدم التاج فضل السيد وعبدالسلام سابي الليل والزراريق وأحمد علي خليفة وتلك المجموعة الرائعة لهم التحية أينما كانوا
|