الفينا مشهودة
عارفانا المكارم
أنحنا بنقودا
و الحارّة بنخوضا
*****
الزول بفتخر
و بباهي بالعندو
نحنا أسياد شهامة
و الكرم جندو
و الحارة بنخوضا
*****
مابيناتنا واحدا
ما إنكرب زندو
و البعتر يقع بيناتنا بنسندو
و الحارّة بنخوضا
*****
ركّابين عليه
الناصع أب غرة
نتباشر وكت
نلقى الكلام حرّ
ما بنفر يمين
إن متنا فد مرّة
و الخوّاف دا ما حر
منّو نتبرا
و الحارّة بنخوضا
*****
للجار والصديق
عشرتنا تتمنى
بنصون الأمانة
اسيدا أمّنّا
المغرور ندوسو
نعدّم الطنة
شافعنا بيرى الموت
في الرقاب سنّة
و الحارة بنخوضا
|