الاخوة الكرام عوض وأمير لكم التحايا والتقدير .. أطمئن أخي عوض لن أنقلب علي البقية لأني منهم ..أما أخونا الأمير عاوز يعمل ليهو دعاية بأن الصلع موضة وكده .. ياخوي موضة الصلع نحن ما بنعرفا ؟.. كدي جيب ليك كلاما غير ده .. وقول الحمد لله علي كل حال .. بس حكاية أصلي وموضة دي .. أنا مابقتنع بيها وبت عمك صغيره وجاهلة تقوم تباري ليها واحد مصلع .. دي شينة دي ..وبمناسبة الصلع دي .. كنت مرة مع عمك تاج الدين في الحصاحيصا وطبعا صاحب صلعة ولا كلام فيها .. وأنا جاي من الخرطوم وجن طالبات في الثانوية من نايل والكبر والمناطق ديك .. والتاج طبعا أخفف في دمو والراجل شباب .. تقوم واحدة تقول ليهو ـــ وطبعا شايفة الصلعة ـــ ياحاج بالله كلم الولد أرفع الشنطة دي فوق .. وأخونا التاج عامل الكلام ما ليهو وحكاية حاج دي ما مبلوعة .. ولمن كررت الكلام .. قال ليها يا بت أنتي شابكاني يا حاج يا حاج أبوك كلمك وقال ليك تاج الدين رافقني في عرفات؟ دي محن الصلع يالأمير ..لو الموضة حقتا أنتهت وقبلوا علي الخنفسة بتعمل شنوووووووووووووووووو؟
|