حلوة الكيزان دي ياحريش الدين .. أنت تعرف نحن جردلنا السمح ومليان موية حلوة .. مافيهو كوز وبرنفعوا من أضيناتو وبنكرع فيهو كبع كبع كبع .. لمن نفسك أقوم وتروي تب وتختو في شدرتو . . يعني أطمئن لو زولاً كبير زي أخونا مأمون بنسقيه بكفوف الراحة .. نوم قفا ومد عنقرتك وشفط الهواء وأفتح مناخيرك كبار وأشبع نوم ورك في حلم السكة الظاهرة بيان ..عصفورة تقالد النجوم لا يداهمها القلق ولا تعرف النواح والعويل .. تقلب أطراف السماء والبهجة وتطرز أطرافه وتغزله بالنجوم .. وتعبقه بالسوسن والرياحين ..ويمنح الفيض فرصاً للعبور وعناق السناء والنوار .. وتصير الفضاءات ملأي بأكواب الحنين والحبور .. وتركض الأحلام والآمال جواد جامح ما بين الحقيقة والخيال تبدو الأحلام ممكنة .. دمت حبيبنا الحريش وأخونا ود أبراهيم وكل الأخوة الأكارم
|