اخونا عبدالمنعم الله يديك العافيه.. ودي برضو من روائع الحلنقي..... الاعتزال
اعتزلت الناس عشانك
وقاسى كان الاعتزال
بس حكمنى قدر أفارقك
ضيع ايامى القلال
السؤال البكى عمرى
القى وين رد السؤال
ما فى عزة بدون معزة
وما فى عيد من غير هلال
اعتزلت انا ابتسامتى
ضحكتى وفرحة عيونى
العيون الكانو دايما
لما أغلط يعذرونى
ويبكو لو جيتم مفارق
بالمحنة يظللونى
والله يعلم بيها طيبتى
عذبوها وعذبونى
اعتزلت انا الاماسى
الكنت ريداوكنت سيدا
وكنت عش مليان محنة
للعاصفير لبريدا
وهسة ما لا الدنا صبحت
قاسية ما بترحم عنيدة
القساوة بقت قريبة
والمحنة بقت بعيدة
اعتزلت انا اسماحة
الكنت فى الازهار بشوفا
وقلت يا حليل الغناوى
عاندت صياد حروفا
يا حنان رقة مشاعرى
ويا جمال روحى الولوفة
حقو كان قلبك يقدر
غربتى وقسوة ظروفى
|