عبدالمنعم ياروعه تحياتنا وأشواقنا كوم وردوم ، واسمح لي معاك بالحاجه دى

* الي مســــــافـرة * ... عـــثـــــــمان خالـــــد

يا قلبي يا مكتول كـــمد
أعصر دموع .. هاك غنوه لي سيد البلد .. يحليو
حليلو قال سايب البلد ... يا حليلو
حليلو كيفن يبتعد
في رحله مجهولة ألأمد .. يا حليلو
كل العمر كان لحظه واحده نشوفو والشوق يستجيب ..
نسكر نغــيب..
نسكر نغيب .. من لطفو .. من دلو الحبيب
من لونو زي كــرز المــغيــب
الراقي محلو السمر..
ده شفايفو زي ياقوت ندر
من شكلو زي نص القمر
مبــــــــتل مــثـــــــير
مبتل مثير... مخلوق اشان أحلي الزهور
وأشواقنا تتعطر تطير .. من نفحة من مجري العبير
من لمـــسة جيدو النضير..
من لفــــظــة من ثـــغر المــثير..
الفيـــــهو أيام الســــــــــــــــــمر..
بيهو القلوب كم تأتمر لو مره ســـيد الناس أمر
بـــنــظـــره بتدوب حجر .. لي بسمه بتضوي العمر .... يا حلييييييييلو
حليلو قال ناوي السفر ... كيف الوداع لامن يحين وقت السفر
أهـــديك زهـــور .. حاشاي أنا وأنت نــدي الزهـــــر
أهـــديك حـروف .. يا أجـــمل أحـــرف في الـــدهــــر
أهـــديك حــــنان.. ما قلبي عندك من زمـــان .. وأنا راجي عــطــفـك منـــتـظـــر
أهـــديك حـــرف .. ما قالا زول وما أظن يقولا وراي بشر
أهـــديك عيوني .. في الدنيا أشان أستريح .. الدنيا بعدك ما بتـــسر .. يا حليلوووووووووووووو