الأخوة الكرام .. تحياتي .. وشايفكم رجعتوا تاني لموضوع الطبيب ..وأولا قبل الدخول لتناول الأمر هناك حاجة فينا نحن السودانيين .. ناس أنطباعيين لابعد حدود لاندرس الأمور بروية والأ ونندفع نحلل ونحكم علي الأشياء وللأسف جبلنا علي كراهية القانون والطريق الدغري ونثمن دور الفاشلين ونلبسه ثوب البطولات ونحكم علي الأشياء بالعاطفة .. وده الشئ المغطس حجرنا .. بس نعرف للفلسفة .. وأخونا الطبيب المسكين ده ماعندو ما يثبت حقوقو وكيف للسفارة تجيب ما يثبت .. الا تشيل ليها عكاز وتضارب .. لانو يا أخوانا الكرام الراجل ده جاء بعقد عامل من السودان وعمل أجراءات التعاقد زيو زي اي عامل وجاء هنا واشتغل طبيب ؟؟ طيب وين الأوراق البتثبت أنك طبيب ومهنتك في الجواز عامل ؟؟ وهو الضيع نفسو لانو لو قيم نفسو التقييم السليم وجاء متعاقد طبيب ما أظن الأمر كان محتاج لسفارة او غيرو ؟؟؟ حاجة غريبة متعاقد عامل وعاوز أديهو حقوق طبيب ؟؟ الكلام البقولو دا سمعتو من واحد أخونا من مدني وقابل الراجل وسمع منو كل الكلام وحججو ضعيفة وحكايتو مافي ليها طريقة .. وكان أفضل ليهو أرجع لبلدو .. أحسن من كشف الحال ؟؟ وللجميع الأخ معتز يوسف موجود معي بالعصر علي طول ولو واحد فيكم عاوز يتأكد من الأمر ــ لو بهمكم ــ ممكن تعرفو مباشرة من أخونا معتز ... يعني السفارة المسكينة ما عندها ذنب ...وتحياتي للجميع
|