عوض خضر : تحياتي واشواقي الحارة .

ياخي رجعتنا لايام الطفولة الباكرة اقوم اضيف ليك حاجة كدا ليست بعيدة عن هذا الشان ( سم الفار ) وانا صغير كدا ودونا اشتغل سم الفار مع عبدالله بروس ، عوض محمد الحسن رحمة الله علية واعتقد علي التجاني وبعد اجراء الموافقة قالوا تجوا من دقش الرحمان عشان الترحيل اها مشينا وكان هنالك بص من ام العضام برحلنا وفية كنبة طويلة بي جاي وواحدة تانية بي جاي اها ركبنا البص وطوالي ودونا الترع وعينك ما تشوف الا الترع نزولني في ترعة لا عارف شرق من غرب ودوني ليك كيس في زي نص كيلة فيها عيش مخلوط فية سم الفار وطبعا عامل فيها الولد تفتيحة واشيل واكب في العيش في ( الجحور والشقوق ) قلت ياولد الحركة دي صعبة شوية اقول انقص من الشوال دا شوية لقيت ليك جحر كبير كدا اها شلت ليك اكتر من نص الشوال كبيتوا ليك في الجحر دا وبقيت ماشي ساكت لا سم فار ولا يحزنون بعد شوية كدا اشوف ليك صلاح ود العزيب دا من هناك قاعد فوق في الترعة اها اسوي شنو قمت عامل فيها زي الشغال اكب في السم وادخل ليك حديدة كدا بشيلوا فيها السم واطلعا وادخلا في الجحور وعامل فيها شغال بي ضمير بعد ما وصلت لي صلاح ( قال لي انا شايفك ماشي ساكت مالك ما شغال قلت لية شغال والدليل شوالي دا فاضي المهم الموضوع دا مشي كدا ومن ديك تاني ما عملت ذي الحركات دي .
غايتوا الدخلت فيني من صلاح ما مرقت لي هسي من الخوفة ، ويا المزارعين اعفوا لينا ، ويا مشروع الجزيرة اعفوا لينا ويا ناس العفو .
علي العموم الزكريات كتيرة في هذا الشان بس الزمن كابس علينا شوية نتمني ان نلقي طريقة تانية للمداخلة .