[نضال احمد]

الاخ الطيب مرحباً:

الاخت الصغيره نضال
تحية طيبه
في زاكرتي تلك الطفلة الوديعة التي تفتح لنا الباب حينما كنا نطرقه فتطلين وفي عينك شئ من السؤال ؟
من هؤلاء وماذا يريدون
نزيل عنك او نشبع لك فضولك بسؤالنا
عبد المنعم موجود فيكون الرد بالايجاب دائما لاننا كنا قد ضربنا موعد مسبق مع ذاك القصير الماكر

الظاهر انك ملخبط الشخصيات استحالة اكون انا البفتح الباب انت قايلني بت متين
ياخ الزمن داك يا داب كنت ماسكة السرير للمشي

السؤال
1-اين ذهب ولماذا اختفي عنا بعد ان وجدناه

اخذته الحياة قليلاً لكنه حتماً عائد
فالغريب عن وطنو مهما طال غيابو
مصيرو ارجع تاني لي اهلو وصحابو

2-احلي ذكريات الحله خصوصا الجيران

احلي الاوقات كانت بالافراح

فالفرح عند شخص يعني الفريق كلو استنفار والمناسبة مناسبة الجميع والفرحة عامة

ميدان الربيع او بالاصح تلك الفسحه التي كان يلعب فيها الصبيه كرة القدم عصرا امام منزلكم العامر

ذي ما قلت ليك ما حضرتا الزمن دااااااااااااااك انا قمت لقيت امامنا يسكن النور حجازي والسماني الطاهر ومحمد الامين الجعلي
ميدان الربيع دا القديمييييييين شدييييييييد قالو كان في مساحة البيوت دي

الزراعة في مشروع الجزيرة وتلك الخضره الممتده علي مد البصر في الموسم الزراعي

تلك ايام ادعو الله ان تعود ويعود معها المشروع بعد ان رايت بامي عيني بزيارتي الاخيرة ما الت اليه حالة الترع من جفاف جعل الاغنام ترعي بداخلها

اكتفي بهذا القدر وطرحت اسئلتي في اطار الحله فقط رقم ان في النفس شئ من حتي

فيك الخير والله