السلام عليكم ياشباب فطيس .. ولا اقول شبابيك ونوافذ ومنافذ الكلم .. أنا عاوز أدلي بدلوي ـــ أن كان ممكن ــ أولا التحية لأخونا عمر ووجودك يعطي الموقع شيئا من الوقار والجدية ..والكلام معاك مابكمل أبدا .. بس خليها بعد شوية .. ثم ياجماعة الخير عملتو شنو في موضوع الفصل وكم جمعتو من مبالغ ووين وصلتو ؟؟؟؟ يخيل لي ده أهم من الأنتخابات ولو الي حين .. لانو ياجماعة لو تناسينا الأمر وصرنا نتجادل في أيهما الأول البيضة ولا الدجاجة ؟؟ يخيل لي ما حنخلص الي شئ ..وبالمناسبة نجاح هذا المشروع .. نجاح لمشاريع أخري .. وفشله يعني فشل كل الأفكار .. وحيكون المنتدي زي الجرايد الحائطية .. للتسلية فقط .. لذا أرجو من الأخوة الكرام أعطاء الأمر شيئا من الأهمية وانا شايفكم زي الساكنين بيزنطة وهاك ياكلام ونسيتوا المهم ؟؟؟؟ صاح ولا أنا غلطان؟؟؟
|