التحية ليك يا ياسر وانت تأتي بالوطنية لي هنا...ونتمني أن يخرج منها بذات القدر
وطنية للوطن الصغير
بس هسا خلونا.. في الوطن...الكبير.... حتي لا يقولو نغرد بعيدا عن السرب
الوطنية ... البتتكلمو عنها دي عاطفية جدا ...نموزجية.... ومثالية لأبعد الحدود.... تقترب من الواقع احيانا
لأنها ... ترفع شعارات لا علاقة لها بالواقع .... مكتوبة علي صفحة واحدة موجهه بالمقلوب
شعارات تنادي العامة... للعودة إلي الدين .... البعد عن الانانية...وحب الزات..... العمل من اجل الوطن......."وهلم جرا"
شعارات موجهه للعامة... تغط الطرف عن مكان الخلل
مكان الخلل ....أختلفو معي كما تريدون .... ولكن قبل ما تختلفو معي ... اتفق معكم ان لا حزب أو مصلحة تعلو الوطن
وما حصل لاقاني زول ما بحب بلدو
بس الوطنية عندنا شكلها تاني ...
ان تؤمن إيمانا قاطعا ان الحزب الحاكم بلا خطيئة
أن تؤمن إيمانا قاطعا ان القوات المسلحة ممثلة في المسئول عنها لا تخطئ
أن تؤمن بأن ولاة إمورنا..... بأخلاق الملائكة والرسل
أن تومن بأن علماء ديننا......علماء
أن تهلل عندما يرقص الرئيس...وتكبر عندما يحلف طلاق
.........
هذا ليس خلط بين الوطنية وتبعية حزب.......هذا هو فهم الوطنية في الوضع الراهن
........
نحتاج إلي الدين لنرجع للطريق الصاح.... ولكن أين هو الدين.. وكيف نرجع إليه
إذا كان علماءنا ... يدخلون مساجد .. ممطرة طول العام
والفساد لافي حولهم ولا يتكلمون....
كيف تقنع زول بأن الوطنية ممكن ... تصل ليها بالطريق دا إذا كان الواقع بقول ليهو
أفسد لتعيش ... اسرق لتغني.... حوش واشتري ليك كم بيت في ماليزا ولا كان خيالك واسع في الامارات
وما بنجلد إلا زول سكران....
........................
نحتاج التخلص من حب الزات والعمل من أجل الوطن ولكن كيف
إذا كان السبيل الوحيد.... لكي تعيش أن تكون منتمي إما للحزب الحاكم أو قبيلة معروفة
كيف ممكن تقنع زول أن يعمل من أجل الوطن... وينسي روحو...وهو من كبر المسافة
بينو وبين....الطبقة الحاكمة... ما قادر احدد المالكنو قدر شنو
وكان مدي رقبتو..... بندقا دق العيش
....
كيف تقنع زول بأن يتخلي عن العنصرية والمأحسوبية.. وهو شايف شيدت لها منابر
...................
أصفق واهلل واكبر لعودة هجليج للوطن.... ولكن اول ما اجر نفس اقبقب اول مسئول عن القوات المسلحة
واشوف الخلل وين ويحاسب زيو وزي اي خفير ترعة خلي الموية كاسرة في الشارع
هنا معني الوطنية
أن تومن أن حلايب سودانية....والفشقة سودانية... وتمسك الزول المقبقبو قبيل تاني وتقول يجب عودتهم للوطن
هنا معني الوطنية
أن تنتهي ثقافة الكنكيش في الكراسي... وكل زول يحس بأنو مواطن... له حق المأكل والمشرب والتعبير
من هنا بتمرق الوطنية
........................
وما داير اقول ذي الكاتب القال ...حريق تحرق وطنيتي لو بتعني ان انتمي للمؤتمر الوطني
لانو دا غلط
ولكن اقول ان حتي ناس المؤتمر الوطني كان انصلح حالوهم....وجاتم الهاشمية...واتحلو بالحاجات البتقولو فيها
دي......الرجوع للدين ....حب الوطن...نبذ المحسوبية....وهلم جرا
مافي ذول بياباهم ....ويبقي فهم الوطنية ..عند الناس سواسية
..................
وياهو السودان ومافي زول بقدر ينزوعو من جوانا...
|