الخليفة الله يديك العافية
في فهمك الدنيا دي ماشه علي وين
عشان تعرف الإجابة لازم تسأل الدنيا...والغريبة عندها إجابة لكل ذول وبطريقة مختلفة
اها انا سألتها
عاينت كدا ودردمت ليها سفة وشنقتها فوق....وقالت
يا تباريني محل ما امش وتتوقع اي حاجة
يا تقعد في محلك دا تنتظر زميلتي ديك
اها قلت ليها كان باريتك البحصل شنو
قالت أنا زولة لحظية...فجأة بتلقاني مافي...إمكن ترتاح معاي
لكن كلو إمتحانات بس...يعني كان سويت ليك خير إمتحان وكان سويت ليك شر برضو إمتحان
وبنصحك وما متعودة علي النصحية
بنصحك...كان داير ترتاح ركز في زميلتي ديك...فيها الراحة الأبدية
وانا ماشة وين ما عارفة لكن ياهو دا دربي
قلت ليها غريبة الناس تباريك وانت ما عارفة ماشة وين
قالت كان قلت ليهم ماشة وين زول بباريني مافي
خليهم كدا....
...........................
ولا زال للونسة بقية
</b></i>