أنا ماشي
من قرف المدن
أنا ماشي
يا هادي الحزن
من لا نِي منك
لا نفد
من لا نِي واقف
لا قعد
ماشيبي بالفي
للأبد
زي غصن وردِ
جريح
وحيد
وين ما يلاقي الطين
قبض
أو فرع حنّة
طفشبو ريح
وبعيد بعيد
والشوق نبض
في أحلى إيد
بت ناس قبض
أنا ماشي
لا خوف
لا جُبُن
لكني راجع
في زمان
لا آهة فيهو
ولا غبن
وما بيني بين الحلم
سد
والدنيا ماها
ملي بطن
بس ماشي أهلنا
أهلنا جد
هيي
يا عصافير النزيف
التمرق الخير
والسعد
للغير ويجنيها النكد
يا قانقرد
صبر الرجال
يا طيرة
صقر الرأسمال
أنوسد أعشاشها
ورقد