أبو عبدالرحمن ما عندو مانع أن كان النقاش ذو فائدة وهدف وقيم ومحترم .. بعيداً عن المهاترات والاستفزاز والسخرية .. وانا شخصياً أذا لم يعجبني موضوع ولا بديهو اهتمام .. والمواضيع المكتوبة هنا بصراحة ما قاعد أقراها .. عشان لما اجد موضوع لا يهمني ما بتداخل فيهو .. وحتي لو قريتو وما عجبني بشوف غيرو .. البوست الذي يخص بنتنا وفاء تداخلنا فيهو أنا وعوض مع الاعتذار والاستئذان .. ما حشرنا روحنا توش وعملنا روحنا أوصياء ونحدد للناس ماذا يكتبوا وكيف يكتبوا .. وحتي ان كانت هناك ملاحظة من المفروض لفت النظر بأسلوب فيهو علي الاقل أدب الكلام .. الواحد لو الموضوع ما عجبو أسيبو ما مجبور .. والأ في النفس شئ .. والبتحديد أخونا حسبو كان رده في موضعين الاول كان للأخ ياسر مهدي عن موضوع الشيك والناس تابعت الموضوع وسحب الموضوع ــ مع تحفظي علي ذلك ــ ومن المفروض المنتدي لعلاج السلبيات بقدر ما نستطيع .. اما ان نجبن ونتهيب مواجهة مواطن الخلل في مجتمعنا ويصير المنتدي للأشياء الأخري .. قلنا طيب نشارك ونتواصل ونتونس .. موضوع الكرسي الساخن التداخل فيه ما جديد وبيدي الموضوع نوع التفاكه والأنس والحيوية موضوع شجرة العمدة لاخونا عوض فيه تداخل عفوي أعطي الموضوع طعم ورونق ولم يخل بالونسة .. الأشياء التي تعكنن هي التي تصيب الناس بالأحباط والابتعاد .. لاخونا حسبو أقول مازلت حادب علي الود .. كان من الممكن ان يكون حديثك عن تداخلنا بغير ذلك الأسلوب ..يعني ما شخصنة .. لأننا لم نذكر أسم حسبو في الونسة .. أنا وعوض فقط الذين كنا نتحاور .. وانت هاجمتنا اليس ذلك أشارة لنا ام انا غلطان .. المهم الكلمات الجافة دي بتثير .. لا تعالج .. يعني شخصنة وفلسفة وأشياء من هذا القبيل .. كبيرة وشينة في حقي .. ياما تناقشني باحسن من ذلك واما بلاش تناقشني نهائي .. جني وجن الأستفزاز .. دا ما انذار ولا تهديد بس لفت نظر عشاني وعشانك !!!!!!!
دخلت بفهم ان الموضوع متعلق بك كما جرت العاده ان يجلس احدنا علي هذا الكرسي غير الوثير وتسلط عليه الاضواء لكي يعرفه من لايعرفه ويستزيد من يعرف . ولكن وجدت ان ثمة من صادر حقك وحقنا في معرفة ماغاب عنا منك مستعرضين بعض الالفاظ الفلسفيه والعبارات الفضفاضه وكان يمكن ان تقال في مقام غير المقام ومكان غير المكان رغم عدم موضوعيتها حيث ان منتدي الحوار مكانها فمن ارادها فليذهب اليها
دا أظن كلام الخليفة .. مش قاصدنا عديل .. يعني ما شخصنة زي ما قلت
|