شايف الايام دي سوقك برد شوية لذلك بكون الجو خالي وصافي فالنقوم ادخل علي مكتبك دا والنقدم طلبي دا وان شاء الله الاقي بت الحلال الهدية والرضية وطلباتي ماصعبة وامكن تكون موجودة بي كثرة في الايام دي اولا :
داير لي وحدتن كدي تكون الخمسينات فما فوق وتكون وارث ليها طين 120 فدان وان شاء الله في المناقل ما مهم واكون عندها حواشة 20 فدان وتكون يتيمة الابوين وساكن جمب الصهريج بتاع الموية وبيتا 1000 متر وناصية وفية تلاتة اوض وتكون داخلة في صندوق الصرفة عشرة مليون وتكون وجيهة شديد وسمحة وصفراء وممشوقة القوام كما قال الشاعر وعندها اتوس موديل 2012 علي الزيرو وتكون خدومة وست بيت وما بتزهج من الشفع وتكون خريجة جامعة الخرتوم طب وخلاص كدا بكفي مافي داعي للحاجات التانية دي .
تلفوني عندك وصوري برضو موجودة نرجو الاهتمام بالطلب دا وبديك بعدين باقشيش كتيييييييير اها ربنا يعينك ووفقك وبجيك بعد كم يوم كدا اشوف طلبي دا .