قال ارضنا سلاح
لاخاف لا انجرف
راجلا كلو صاح
بالعزة اتعرف
هسع طيبو فاح
في كل الغرف
كان لينا النظر
في زمن اختلف
وكان لينا المطر
كان ضوء النجف
معروف القدر
بيخطف من طرف
وفي سكة سفر
عيارو انسرف
جابوهو الخبر
في طياتو موت
دمع العين طفر
فجر الف صوت
مافضل نفر
في كل البيوت
سيل الهم دفر
عمانا الخفوت
يابحر النسيم
ما بحجاك قيف
والحال يستقيم
بعدك تاني كيف
الدنيا ام جحيم
كل الفيها ضيف
عم عبد الرحيم
قولي حالوكيف
الليله العيون ما ملن بكاك
حالن في جنون ما سكين في غناك
يا ابونا الحنون بلق مصطفاك
دونكم ما بنكون جاين في في وراك
نبكيك بحترام يا انبل بشر
يبكيك الغمام والنيل والقمر
حميد نظام لو شعبك كفر
صحي الموت سلام
ما يقشاك شر