أكيد هو محمد كرم
وصاحبو ابراهيم كتيه قال:
فكرة الطين في العلاقة
خوفني منك ..
فكرة الطين في العلاقة
وطفرة الهم الأساسي
لون مواعيدنا الوفية
بذره من جسد الهوية
وحفنه من قلب التراب
ولسه ملتاع من أمانك ومندهش
أبديني من أول فتوحك
لحظة أديتك مفاتيح المسام
أنا لسه مشدوه من فكرتك إنت للطرح الحرام ..
وحق وجودك ..
خط أساسي في خرط كل الفواصل والزمن..
خليني أشرب بقة من قهوة نهارك ..
إمكن إمكن أهضم فكرتك..
أقريني من أول ملامح للسفر..
إمكن أكون ما سكتك..
أقليني في جذوة مزاجك قهوة بي بن القضية
إمكن أكون ما بشبهك ..
أو قد أكون إحساس قديم
بي زول حلم جواك وساكن ذكرتك
ويجين منك هم ملامة وصوت أسى
تكريني من وجه التساؤل والندم
سماني إحساسك رفيقك في الشقا ..