الأخ عوض صار السجال يدور قي حلقة مفرغة المحتوي والمعني .. وأنا بطبعي ملول بصراحة .. عاوز أشارك بالأشياء الحميمة والحنينة .. لأننا والله ما ناقصين وجع رأس ..
محاكمات الجماعة عادلة أم غير عادلة .. دا ما موضوعنا .. موضوعنا الكانوا في القفص ديلك كانوا قرود .. ولا الجماعة الطيبين ؟؟؟؟ وتقول لي طردوا من الحزب الشيوعي .. عبدالخالق كان سكرتير الحزب الشيوعي والشفيع وبابكر النور وهاشم العطا وفاروق عثمان ..ديل كانوا مرفودين ؟؟ لماذا تغيروا الحقائق وتداروا الأمور ولا الشينة منكورة عشان جات في وشكم ؟ وانت ما جاوبت علي سؤالي عن الاسماء الواردة ألم يكونوا هم الذين انقلبوا علي الديمقراطية التي تبكون عليها اليوم.. وعندما انقلب السحر علي الساحر .. حاولوا بانقلاب اخر وفيها اعدموا وهم علي الشويعية والعياذ بالله من دي الموتة .. يعني ما ماتوا مطرودين زي ما زعمت أنت بل ماتوا وهم علي الشيوعية ودي هزت الحزب هزة عنيفة .. وأدمنوا حكاية الجحور كلما حمي الوطيس ــ حلوة الوطيس دي مش ــ وتقول لي ديمقراطية وماعارف شنو .. ديموقراطية ألفوا ليها بالبيوت والزول دا زولكم أدوه وبكر بيعمل ليكم وأقيف وسط البلد وأهتف وتحيا الأشتراكية وتحيا .... وأكلوا حسكنيت ..دي ديموقراطية ولا سماية ... من أجمل الأشياء عن جماعتكم واحد أسموا أبراهيم دجاج من طابت .. وكان عاوز أترشح للمجلس الوطني من الشعب المقهر ومن أجل محاربة الفساد ومن أجل ماعارف أيه .. وقدموا لينا لأنو صحفي في جريدة الأيام وبعد حركة هاشم العطا طرد من الجريدة وأغترب الي السعودية وكان شغال في جريدة وين ماعارف .. المهم الرجل ثوري ورفيق متحمس لان يغير خارطة كل الأفكار وجاء قدام الفرن وقدم برنامجو .. وأنا كنت ماشي التمرين وقفت واتكيفت لكلاموا المعسول طبعا المنضمة ماحقت الجماعة ..وأعذبه أكذبه .. قمت مشيت وأديت الراجل وأعلنتها للملاء وزعل من زعل وسخر من سخر .. لكن تصدق لقيت الراجل كالعهد بهم فارغ حتي فؤاده .. يعني كلامو كان بندق في بحر ... وعند نزولي السودان في المرة الأخيرة لقيت الراجل ماسك أتحاد الكرة وهاك يابلع وقضايا .. وجاء مع مجموعة من النفر .. منهم محمد عكيوة ومختار الحسين وعمر عكيوة وعمنا علي التيجاني ومبارك سلام وفتحي محمدة صالح ومحمد الحسن علي يوسف وحسن شيخ الحلة وصلاح بلة وأنا كنت موجود وحضرت حماس زولك وأن حنعمل ليكم الظلط ونوديكم الساء سبع مرات ونخلي ليلكم صباح .. نفس الراجل ونفس الثورية ونفس المفردات والحاجات .. يعني ماجاب جديد ؟؟ شعارات فارغة من كل محتوي ومضمون ...
وأذا كان هناك تطبيق حقيقي للديمقراطية ليه لا أهلا بها .. أما ديمقراطية تصفية الحسابات ودا معانا ودا ما معانا والمهاترات والشتائم والسباب في البرلمان .. هذه لن تقدمنا ... بفهم وعقلية أمراءة تلبس ثوب بثلاثة ألوان وتتهابل أمام الرجال ... ولمعلوميتك وأنت سيد العارفين أي راعي ماشي في خلاه كان سألتو عن الشيوعيين لكان رده الكفار ... وجرب وأسأل .
ثم تعال من قال لك أني كوز أتقي الله ياهذا الرجل ... يعني ياأكون معك أو أني كوز .. دي الديموقراطية الخلت نميري أوريكم المكشن بلا بصل .. ما بضرورة أكون كوز عشان أختلف معك ...
طيب أنت تريدني أن أستشهد بمن لكي يكون كلامي مقبول عندك .. هذه حقائق للتاريخ وليست للمفاصلة والأنتقاء مايروقنا .. والراجل يأخي العزيز له حلقات تزاع وأمكن أمس كانت الحلقة السادسة وهي شهادة رجل عايش الأحداث وكان في وسطها بل رئيس أتحاد الطلبة عند وقوع الأحداث .. يعني لوأستشهدت بفاطمة محمد أبراهيم أكون كلامي صاح؟؟؟؟؟؟؟؟؟؟؟؟؟؟؟؟؟؟؟؟؟أ م بمن تريد أن أستشهد يا بتاع الديموقراطية .. الزول البجي كلامو في هواكم دا كلام مظبوط وحقيقي .. وغير كده لا ..حكم قرقوش ولا صلاح قوش ؟
أرجو أن تتابع الرجل وتسمع منه .. وفي أيميل للبرنامج رد عليه وقول ليهو كلامك ما حقيقي ؟؟؟
وعود الي بدء تحدثت في من يفوز بالأنتخابات وأنا قلت الهلال .. وهذه كان من باب الدعابة والمرح .. وكنت أظن أن الموقع للكلام الخفيف المرح المافيهو مناكفات السياسة.. ومافتكرت الأمور حاتخد هذا المنحي ولا تظن أخي عوض أني بالسذاجة وعدم التلاعب بالحروف .. تكون فراستك هنا قد خدعتك .. تعرف الجن ... أنا أناطقو ودرسنا في البلاغة زمان وفي البيان والتبيين وأسلوب الحكيم وووو.. غيره كثير يعني أعرف ماذا أقول وماذا أعني وماذا أريد .. وأفهم الحياة والمسئولية أكثر منك ..وأظن تجربتك في الحياة ليست أكثر مني ولاٌقرأت ما قرأته أنا حتي تصفني .. بالمتناقض .. أقولها ولأاول مرة أنا كنت أنتمي للحزب الشيوعي قلب وقالبا وكنت أقتني مجموعة كتب لكارل ماركس ولينين وهيجل ووجدتها فارغة المعني والمحتوي وأنها لا تضيف لي شيئا .. وحتي أهلها لم يطبقوا شيئ منها علي أنفسهم .. الدين آفة الأيه و الآيه بتاع أيه .. وكيف تريد أن أطبق نظريات من قبل أعوام مضت والدنيا تحكمها المتغيرات .. وحده الدين الأسلامي هو الباقي والحق والي يوم الدين .. رضي من رضي واليدق راسو بالحيط الماعاجبو .. فكيف لأطبقها علي بلد قارة كما تقول فيها من لم حتي يرضي بك ولن يتعامل معك الا وأنت كبري يمشي عليك لاهدافه .. بلد فيها مليون حزب ومليون منظر ومليون فيلسوف ومليون مطرب ومليون شاعر وعشرة شيوعيين وكل الي ليلاه يزمبر ... حباب الديقراطية أن كان من يتعطاه يطبقها ...اولا علي نفسه الديقراطية التي نرجوها ديموقراطية فكر ورأي وخلق .. والنموزج الأسلامي أروع الأمثلة ..مش بأسلوب درق سيدو ونظرة يابو منو ماعارف ومقطوعة الطاري ...
شكر للوقت الذي جلست عليه وعفوا عوض لان دمي يفور أحيانا ... ودا طبعي ما ليهو علاقة بالديمقراطية وعدم أستحمال الآخر .. عشان ماتمسكا لي..ودمتم
|