من احدي ردود الاخت جميله اقتبس العنوان احيييييييييه متين اشوف الخرطوم ولعل الجانب الغير منظور من العنوان هو صورة اصبع مفندر وعليه عضه

بالاسنان دلالة علي قمة التشوق او الزعل او اي ما كان المراد تعظيمه .

ما اذكره تماما اول زيارة للخرطوم كانت قبل المرحلة الثانويه بشهور حيث كان التمهيد للدراسة في مدرسة الخرطوم الثانيويه لاحقا وذلك قبل الانقاذ

وثورة التعليم العالي او الواطي لا ادري ضمن خرمجات بروفسر ابراهيم احمد عمر ولعلي كنت من اصحاب الحظوة القلالئل الذين يتيسر لهم الذهاب الي الخرطوم

في مثل هذا السن وذلك بسبب النسب والتصاهر مع ناس الخرطوم ولو لا هذا يعلم الله متي كان يمكن ان تكون اول ذيارة للخرطوم حيث كانت تمثل لنا

تحرق الاديب طه حسين لما وراء ذاك السياج فمن عالم الرياضه والاذاعة والحكايات المبالغ فيها من الذين سبقونا ادركنا ان هنالك خرتوم ودنيا غير القرية

والجزيرة .

المهم لاحت الفرصة وتم الاعداد نعم تم الاعداد فالسفر كان حكاية تتطلب اعداد ملابس لائقة والقيام باكرا لتلحق بالبكسي الي الحصاحيصا ومن ثم التوجه الي

موقف النيسان قبالة البحر والنيسان للذين لايعرفونه هو شاحنه 10 طن تم الاجتهاد فيها داخليا بصنع صندوق وكراسي تصلح لنقل الركاب من العامه

كانت التزكرة بمبلغ 3 جنيه وربع الجنيه بالقديم ولكم ان تقوموا بربط المعادلات والدالات والتوافيق والتباديل والجبر وعلم الاحصاء والفلك والفيزاء

لمعرفة العلاقة بين الجنيه الجديد والقديم حتي يمكنكم تصور العلاقة انا من عندي فشلت في المعرفة اليقينيه في ذلك رغم اني محاسب او امتهن المحاسبة

ربع جنيهنا زمان طراده كائن محسوس وموجود وله عمله مطبوعه لكن ربع جنيه اسي دا ما لاقاني قريب ما علينا

قطعت تزكرتي والعيون تبحلق في الشارع من الحصاحيصا للخرطوم ما خليت شجرة ولا عربيه ما بحلقت فيها بين الدهشه والمتعة الي ان وصلت وجهتي

ام درمان العاصمة الوطنيه .

كان كل دوامي الخروج كل صباح للشارع والتبحلق في الزلط والعربات وحركة المرور والبنات الحلواااااات وبسوقن عربات ديل ما بتخاف واتعلمت

السواقه كيف ؟ وجابت العربيه من وين ؟ واسئلة كتيرة ليست للاجابه لكن القنبلة الكبيرة كانت حديقة الحيوان برضو حديقة الحيوان القديمة زمن كان في وحيد

قرن وفيل ونمر واسد وغزال وطاؤوس من رسومات علي الكتاب لي واقع امامك كبيرة والله وتخليك ساكت ساي .

الشارع العاصمي يزكرني باول زيارة لاخونا صديق احمد دفع الله بريف شفاه الله للخرطوم عندما وقف متاملا حركة الاشارات المروريه وتوقف شارع

وسير الاخر في تناقم وقف مبتسما وعند سؤاله عن سر الابتسام اجاب يعني نظام شديد طقش مافي ؟

وحديقة الحيوان تزكرني بالاستاذ والصديق والشخصية الفذه حيدر هاشم عندما تم اعارتهم اليمن مع اخي الطيب علي البدوي عندما حوالت ان اوصف لهم موقع

مكتب التعليم بجوار حدائق الحيوان جنوبا ببساطه لكنه اوقفني قبل ما ابحر بيه في الوصف وقال لي اسمع نحن علاقتنا بي الخرطوم دي تحصل فاتحه يا عرس

عند ناس جدي شرف الدين يحشرونا في بكسي من فطيس لي ام درمان انتهت المناسه يحشرونا في البكسي من ام درمان لي فطيس دي بس الخرطوم عندنا

ما اطرني لترك كل شي والذهاب معهم .

شارع الزلط بزكرني بي اخت تحلف باليمين انه كانت فاكرة انه الزلط كان ختيت اصبعك فيه حا يمش بيك .

مخرج : منتظر زياراتكم الاولي للخرطوم

مخرج تاني هل كان في حياتكم ما قبل الخرطوم احييييييييه