[عبده مصطفي إبراهيم]

الحمدلله إنفكيت من الفليتة
........................

مشهد...ساكت
-غايتو المطرة دي بالغت ...إزيكم ناس البت
--أهلا ادخلن لي جوة
-هي ندخل كيف وكرعينا ملانات طين كدا .. جيبي لينا موية في اللبريق النطشطف اول حاجة
--اجي يا بنات امي جيتن بوين انتن
-جينا نباري في الحيط ....الله بعلم نفجغ من ما مرقنا من البيت
--كان تجن بي شارع الجعلين رملا ساي
-هي يا الغبيانة دي........... شارع الجعلين نحصلو كيف
::::::ضحكة..خبيثة:::
-وزقاقكم دا ما عايم عوم
-قطع لي نخرة سفجتي..الله يازاهو
--السفنجة هينا بركة الما إنزلقت واحدة فوكن
تسونها فوقي
:::::::::: ::::::::::
-اها انشالله دخلتي ليك وقود إمبارح
-اللابري دا كان ما انعاس الليلة ما بنفع
--لا الوقود دخلتو...إلا البيت أمبارح الليل كلو ينقط
تج تج... عدة المطبخ كلها نزلتها
-إت راجلك دا ما إردم العرش دا
--ها اسكتي ها البركة في الوليد طلع تحت المطرة نضف السبلوقات
::::::::::::::::::::
-الشكية لي الله جارتك دي لسه ما مرقت عليك
--قالت بتجي ... تجيها الطاوية حبالا
-أجي مالا....مرت ود اخوك
--ما بدورة ساي...كدي النقوم نولع النار دي
السما دا بطنو طامة
:::::::::::::::::::::::::::::::::::::::::::::::::: :::::::::::::::::::::::::::::::::::::