ياخوي أنت كنت وين .. ؟ الشجرة المقصودة بالكلام دا شجرة العاجبة ..وكان عمكم البرت دا بصلح كوانين وأشد العناقريب وأعالجها من الضريب البشقق كرعيها . وكان اتمدد علي ضل الشجرة واتوسد شوال .. وفي يوم وقعت عليه حنبكة من شجرة العاجبة دي ..بس زولك قام اتكرضم وفرفر فرفر وحرك اضنيهو يمين وشمين وشمال وبحلق عيونو المقرمدات ــ اقبض ياعبده مقرمدة دي شنو ــ قام قال ليه الحنبكة دي ماتتير ـــ تطير ــ ليه تقأ ـ؟ــ تقع .. ومن ديك صارت شجرة العاجبة معلم من المعالم الاثرية ..بس الاعلام عندنا تعبان شوية .. يعني يالطيب أخوي انشتاين دا من عندنا واسمو الحقيقي علي شيخ الدين .بس الجماعة لسانم الوت ـــ خلي بالك يا عبده لالوت دي .. وصلت المعلومة يالطيب .. وكان عندك ايتها زول كدي عاوز تعرفو بس أسأل ونحن نجيب خبرو .. قال جوجل قال ..
|