[عبده مصطفي إبراهيم]

لماذا تم توقيف عارف عبدالرحمن
وهل تم ذلك بالفعل....تساؤلات "خلعني" وانا متابع لما كتب هنا
أولا التحية لكل من رد وسعدت جدا وأنا أري مجموعة من التدخلات تتناول الموضوع من كل الجوانب
وهذا هو النقاش الذي دائما نحمده ومن أجله ولد هذا المنبر
بغض النظر عن ماهية الموضوع...أو كيفية التعبير
فالتحية مرة أخري للجميع........
.....
عندما قرأت هذا الكلام أول حاجة عملتها فتحت موضوع مشترك فيهو الاخ عارف عبدالرحمن ووجد تحت إسمه أجمل الألقاب "عضو مخلص".
ودا إجراء يمكن أن يعمله أي عضو أو حتي زائر في المنتدي عندما يكون هناك عضو موقوف من الإدارة تظهر تحت إسمه موقوف.
فشل محاولة الدخول لا يعني تعطيل العضوية..الإجراء السابق هو ما يحدد إذا كان العضوية معطلة ام لا
أما إذا تم شطب الإسم فيتحول كاتب الموضوع الي زائر
إذا مشينا للخيار الأول فشل في محاولة الدخول...
علاقتي بالاخ عارف تمتد أبعد من المنتدي مليانا إحترام إسري ممتد قبل وجودي
فعندما حصلت له هذه المشكلة من قبل راسلني مرات بإسلوبه الذي أعتبره لزيز
وهذه بعض رسائله القديمة
From: عارف عبد الرحمن [mailto:arixxxxx@hotmail.com]
Sent: Wednesday, March 31, 2010 7:46 AM
To: abdo@futeis.com
Subject: RE: عارف مالك غايب
عبدو شنو الحركات الجديدة دي .. كلما ما أحاول أدخل .. رسالة أدارية تقول أنك غير مسجل ..وأدخلت الأيميل وبرضو قنعانين مننا ؟؟
From: عارف عبد الرحمن [mailto:arixxxxxx@hotmail.com]
Sent: Wednesday, March 31, 2010 10:07 AM
To: abdo@futeis.com
Subject: RE: عارف مالك غايب
اخي دي بياخة منكم ساي .. شنو كلما اجي أشارك اقول رسالة ماعارف شنو ؟؟ أدارة في عينكم أنا اربب اليوم كلو تقوم تقولوا لي لأنت غير مسجل .. لاأحسن تسجلوني في الروضة ولا في شيسلي

________________________________________
From: abdo@futeis.com
To: arixxxxxx@hotmail.com
Subject: RE: عارف مالك غايب
Date: Wed, 31 Mar 2010 10:03:12 +0100
عارف شنو الحكاية
خلاص يا ذول أنا غيرت ليك الباسوورد الشكلك نسيتها

عارف عبد الرحمن
Password: xxxxxxx
بس لازم تغيرها من لوحة التحكم
وأظنك في كل محاولاتك ما قاعد تعمل مساحة بين عبد والرحمن

هذه بعض منها..وقد تم تجاوز تلك المحنه وواصل عارف اكثر نشاطا بعدها....وهذا هي الروح التي بيننا....
ولذلك صدمت وانا أقرأ ما خطه قلمه للأخ خليفة بأنني عطلت حسابو
فالأخ عارف علي علم تام بكيفية التواصل مع الإدارة...لضمان إستمرار العضوية
.............
من جهه أخري في أخر مشاركة له كانت في موضوع منقول بعنوان
shut up
لم يعجبه النقد في الحكومة ودا ردو
"الأخ عبده لو تكرمت أن تفتش ليك عن أسم تاني للموقع ..لأنو دا ما بخدم البلد ولا شيئ عشان كده أنا بري تغيير الاسم .. عشان محتاجين الاسم دا جداً وعاوزين نعمل منتدي بهذا الأسم يخدم فطيس وخليكم في سياستكم المقدودة دي .. ودي آخر مشاركة لي معكم وصوتي مع صوت جنوبي الهوي .. يعني كان رديت أكون ردك أنا ماني شايفو .. xxxxxxxx
وأسكت ساي ودمتم"
وكان ردي له بكل عفوية
"أرجو أن تقوم بتقديم طلب.......مكتوب لإدارة المنتدي للتخلي عن الإسم..........وكان علي أنا موافق
بالنسبة للمواضيع التي تهتم بالقرية هناك أكثر من موضوع..."ليس مكتوبة بالحبر السري"......تناقش
الجامع الجديد.....إمامة الجامع الحالي........المستشفي "عنبر الولادة".......الجمعية الخيرية......فصل الكومبيوتر..وغيرها
ومحتاجة لي رايك وراي غيرك فيها"
............
وكنت مقتنع تماما...دي زعلة وبتعدي ذي كل مرة وخاصة لما عرفت إنو في البلد
وقلتا أكيد ح يجي بي نفس جديد...ويواصل المشوار
....
خلاصة القول إن عضوية عارف لم تعطل يوما ...رغم إنو غير إيمليو في الملف الشخصي
لسبب يعرفو براهو وكان بالإمكان تعديل الإميل حتي نضمن وصول النشرة الدورية
ولكن ترك له الخيار كما أراد
وهذا هو ديدن...المنتدي إدارة وأعضاء وزوار
حرية الإختيار...حرية التعبير...وحرية الغياب
...
في قائمة المحضورين يوجد سته أسماء
واحد منهم إسم روسي قدر ما امسحو بسجل بذات الإسم عشان كدا خليتو محظور
والخمسة الباقيات ..حاول احدهم الدخول بيهم وكيل السباب.. في فترة يعلمها الجميع
وبالرغم من ذلك بقي حسابه الأصلي مفعل
.....
أعجبني جدا ..تعبير الدكتاتورية...وفعلا إذا كان ما كتب فوق دا حقيقة فهي الدكتاتورية بعينا...الما بتغبانا
....
نصائح لوجهه الله وإختصار للنقة الفوق دي
عندما يتعثر دخول اي عضو ولم يتمكن من معرفة الخطوات البتظهر ليهو فقط راسل الإدارة....
تعثر الدخول بالمنتدي لا يعني تعطيل العضوية
تعضيل العضوية لا يتم إلا إذا كان هناك خطر علي المنتدي من ناحية أمنية..."تم تعطيل عضوية محمد إسحاق..لفترة عندما
كان هناك شك ..فقد تم بإسمه رفع موضوع واحد في كل فرع في المنتدي وعندما تم مراسلته وضح إنها غلطه وتم تفعيل العضوية"
إدارة المنتدي لا تعطل عضوية عضو حتي ولو طلب هو ذلك "توجد امثلة"...لسبب بسيط أننا نؤمن بان كل ما يكتب هنا يهم فطيس وارشفة لتاريخها الماضي والحاضر
وعليه يجب الإبقاء علي إسم كاتب أي موضوع أو رد ...."حزف العضو يجعل كاتب الرد أو الموضوع زائر ...فلا فائدة"
واخر نصيحة..إلأخ العضو إذا سجلت بإميل غير صحيح...فهذا يمنع عنك وصول النشرة الدورية..ويصعب عليك التعامل مع المنتدي إذا حدث خطأ
............
نتمني أن يأتي عارف ويوضح سبب إقتناعه بأن المدير العام عطل عضويتو
وأكيد سوف تكون هناك ردود أخريات
.........
ونسأل الله الرضا ...والتوفيق للجميع