تلك أيام مضت......... دائماً قديمك نديمك....... والما عندو قديم...... (شقي وفلسان)...... فالمناهج القديمة اتعملت من ناس فعلا بتفهم في أهداف العملية التربوية..... وبتعشق عملا ..... وما مزيودة موية.....كوادر تاني ما بتتكرر... وخبرات أسست جيدا لسمعة المعلم السوداني...... وأنا بتكلم من الواقع....لمنا جينا الخليج كمعلمين...... وجدنا أرضية ثابتة كالطود..... وسمعة خالصة العيار.....للمدرس السوداني..... جعلتنا نمضي بثقة في آداء العمل.... فلو لم نكن
قدمنا من أرضية ثابته..... وفهم عميق لأصول المناهج..... لما كان لنا أن نستمر.....
........ رجعتينا لأيام خلت...... ورجعتي بالذاكرة القهقري..... لأيام السني الأول......وتذكرت الأستاذ طيب الذكر المربي : الطيب محمد علي عمر ..... الذي درسنا هذا الكتاب.....وتذكرت دفعتي....من يوسف مكي..... الي محمد عثمان سعد يوسف..... وفيصل محمد عيسي ( الحادو) ألفة الفصل.......وفي السنة ديك بالذات وفي إمتحان الفترة الأولي كنت قد تذوقت لذة أن أكون الأول علي الفصل.... والهدية التي لن أنساها.... وكانت النتائج في المسرح... وفي الفترة الثانية كان الأول فيصل حسن محمد حسن ريس.....
........... شفتي إنتي رجعتي بي كم سنة؟؟؟.......متخيلة معاي الشريط...... وانا بسترجع فيهو..... فرد فرد..... نفر .....نفر...... وكمية من التساؤلات..... في مآلات الزملاء....ووين الزمن وداهم....فيهم من مات.... وفيهم من ينتظر..... المرحوم أمير الطاهر والمرحوم خالد الزين..... تقبلهم الله.....
........... بصراحة....... الفكرة جميلة...... وجريئة............ ومشكورة عليها شديد........
|