الشاي الأخضر أقوي من الشربوت ويهرس اللحمة هرس .. قبل 4 سنوات عيدت في السودان وشلت معاي كمية من الشاي الأخضر وارد باهيثم لأنه من اجود الانواع .. وتحديت الجماعة في أيهم أكثر مفعولاً .. المهم الجماعة في شربوتهم وانا مع الشاي .. وبعد اللفة المعتادة في الفريق وكم بيت أوشك الظهر علي الآذان كنت في قمة الجوع بعد أتنين كيلو لحمة .. وتأكد للجماعة بأن الشاي الأخضر أقوي مفعولا .. وفي اليوم التاني كل قطعة شية بجغمة شاي وعند الثالثة الجماعة جاعوا .. الجماعة قالوا شايك دا أكمل مراح .. نصيحة بلاش شربوت جربوا الشاي الأخضر وقارنوا .. بس في جماعة من ناس الكريستال الأمر عندهم وزنة دماغ ..
أذكر في سنة من السنين وكان الوقت ثاني يوم للعيد جانا الاخوان محمد عثمان سعد والمرحوم عوض محمد يوسف .. ولقوا مجموعة السواقين أحمد فضل المولي وحافظ بله وبدر الدين وعبدالقادر وتاج الدين وآخرين .. كانوا علي وشك الفطور .. محمد عثمان قال والله عندنا شربوت آآآآآآآز....ز......ز...و..ل.. ــ طبعا النقاط دي مفهومة ـــ المهم فطرنا .. مشيت اجيب قهوة جيت لقيت الديوان كلوا أشخر .. طبعا محمد عثمان مشي جاب جردل وجاء معتق جدا لمن باقي الجردل كان الزبد فيهو زي البيبسي... وكل سنة وانتوا طيبين
|