نسيت المرأة الحوامة الكواسة الما بتعرف العواسة، مع كمية هايلة من البريان ، والبيت من الوسخ مليان ضبان.. والشافع ديمة وسخان .. وصوتا مزعج الجيران .. وجنها شحدة ما عندكم توم وشوية بصل وحبة ملحة وقليل من الكزبرة وحبة شمار وشوية سكيكرة وحبة شاي الليلة معانا ضيفان ..الغبشة الما بتشبه النسوان .. النضامة في الفاضي والمليان ..الملاحة موية والشاي تقول قطران .. دي الا أعرسا واحد غبيان
أعملوا حسابكم يا صبيان ..أختاروا البت البتفهم وأختوا الماعز والضان .. ما تغشك بكريمة ومضغ لبان ..واللبس الضيق في الفستان .. أختار البتسر البال عشان ما تصبح ندمان
|