النصيحة دي مي حاااااااارة
 

تحياتي،،،،
أطرح عليكم موضوع وأتمني يلقي إهتمام بسيط شان الحال تنصلح(تنبية يمكن أزعل في نص كلامي وأزعل ناس بس مامشكلة أنا قاصدة أزعلكم). حال فطيس وما آلت لة اللجان الشعبية بعد المرحوم الهادي حجازي ، ماكانت في أوساخ حتي كوشة الجعلين بمجهود أبناء الرابطه إتشالت ماكان في موية مكسرة في الشوارع آآ إتذكرت أسي أصلا مافي شوارع نعم بالزحف علي الشوارع إتلاشت معالم الشوارع الأصيله كتر خير الطيب عبد العظيم الماقدر يتم البداو بخصوص الموضوع دا وماكان في رسوم تدفع شان شهادة المواطنة تعال قول داير شهادة مواطنة وشوف بجرجروك كيف.1 أمشي صلاح بلة .2 أمشي صورها عن أ عبد الماجد. 3 ومن أقصي الجنوب إلي أقصي الشمال أمشي لعبد الله سعد يختمها ليك . بعد يختمها يقول ليك بخشم مليان وبلهجة آمرة جيب عشرة ج . ما أنا مقفل وبديك ليها سألت مستنكرة ومستقربة رسوم شنو دي قال حق الشهادة ياراجل وهذا مادار من حوار علما بأني جد __ بخلي الحكم ليكم أها الحوار بس ياعم عبد الله دي رسوم شنو؟ ما الشهادة دي. طيب الرسوم دي لمصلحة شنو في الحلة؟ الرد مصالح الحله كتيرة إنتي إلا تحكيها كدي . لا بس أنا داير افهم لية وماشة وين ؟ الرد بعد برهة من الزمان وقايلني أنا فارة أسي إنتي قايلة عشرتك دي بتقضي كهرباء للجامع ولا الموية . تن ن ن بصراحة إنفقعت ضحك ياشيخ مالك وكهربت الجامع دي مرفق عام وللمسجد صندوق لايفرغ من نقود جزاء الله حسن إبراهيم خيرا أها صراحة أنا أبيت أدفع وأصريت ما أدفع ومابدفع ولي بكرة مابدفع بس أعرف ماشة وين . دا موضوع وتاني موضوع الشوارع دا إتخرصت لسناتكم ياناس اللجنة_
‏_____
في سؤال محيرني مين برشح عننا ناس اللجان صراحة أنا لو أخدو برائي ماحأرشح ولازول من ديل وحيكون لي رائ تاني دايرين شباب ناهض ينهض بالبلد واعد يوعدنا خير في أفتكر شباب شباب يقول الحق ~_
‏____
بجي راجعة بس أصبروا لي ،،،،

برغم أتفاقي معك.... في محاولة معرفة الي أين ستذهب العشرة جنيه ...والنقد الواضح
ولكن أختلف في تسألك
مين برشح ناس اللجنة ديل
دا سؤال ممكن نسألو نحن الناس البعاد... بس يجي من ذول قاعد في الحلة
دا بعتبرو تقصير منك ومن الكثيرين
وخاصة العنصر النسائي البعتبرو مهمش جدا (أو الاصح مهمش نفسو) في أداء دورو في العمل العام
وهذا خير دليل
لماذا لا يكون هناك تواجد للمرأة في العمل العام ... ودا كلام اتقال قبل كدا
....
وتحية ليك.... ودا النقد المحتاجة لي البلد
وما اظن في كلام ذي دا بزعل زول

عزيزتي رشا إبتداءً : أسئلتك مشروعة فمن حق كل دافع لذلك الرسم أن يعرف الى أي مصب سيذهب مادفعه ولاأعتقد أن هناك من يرفض دفع ذلك الرسم إذا ماثبت له أنه يصب في المكان المناسب !!
ثانياً : أعتقد أنكِ قد أثرتي أمراً يستحق أن نقف عنده ونتحدث فيه بصورة أكثر موضوعية , اللجان الشعبية ومدى مساهمتها الفعلية في تنمية وترقية البلدة بين الأمس واليوم ! ماهي أدوار تلك اللجان وما آلية إختيار أعضائها وكم عددها ؟؟ والسؤال الأهم من ذلك هل حقاً تحتاج " فطيس " الى أكثر من لجنة شعبية لتنظيم شئوونها أم أن تقاسم الأدوار بين أكثر من لجنة كان له الأثر في فاعليتها أعتقد أن هذا السؤال قد طُرِح في مقام آخر داخل المنتدى ولا أظن تمت الإجابة عليه بصورة دقيقة ؟؟؟
إقتباس " تنبية يمكن أزعل في نص كلامي وأزعل ناس بس مامشكلة أنا قاصدة ازعلكم " لا أعتقد عزيزتي أن في الأمر مايُغضِب , الأمر لايهم سكان فطيس وحدهم ((واطين الجمرة)) وكل من مشى في ترابها يدين لها , لذا فحين تطرح قضاياها على طاولة النقاش لا لإنتقاد أحدعلى وجه الخصوص أو للتقليل من فاعلية دوره إزاء قضايا البلد إنما الهدف هو النقاش الجاد حول كل قضية لنتلمس معاً مواضع الخلل سعياً لإصلاحه بتكاتف الأيدي وإتحاد الرأي
......................... لي عودة بإذن الله ............................