الجن الكلكي
 

بالرغم من زهدي في السياسة منذ فترة الا ان الاحداث التي تشهده البلاد هذة الايام لم تترك لي مناص من الحديث قليلا ولكن الذي يريد المتابعة بي تحليلاتها ونقاشها يرجي زيارة الرابط ادناه :

http://www.alrakoba.net/index.htm

تستاهل الحكومة المرمطة الحاصل ليها دي وذلك لاسباب بسيطة ان الحكومة تركت المواطن وتخلت عنة في الكثير من الاشياء مثل الصحة والتعليم والخدمات وحتي المعايش والاحزاب ادارت لها ظهرها واشتغلت شغل سياسة معاهم ولم تترك لهم مجال ولم تشركهم في الكثير من القضايا لا هم ولا الشعب والعصرة المارة بيها دي ياريت تجيب ليهم راسن .
وزي ماقلنا في اماكن تانية ( دوام الحال من المحال _ وتلك الايام نداولها بين الناس ) .
لو كان في علاقة بين الحكومة والمواطن والاحزاب بي شرها الكتيييييييير دا كان علي الاقل في اجماع داخلي وكانا نشعر بان اي اعتدا علي السودان اعتداء علينا .
في اعتقادي ان الحكومة فصلت الجنوب عشان ترتاح من وجع الراس وتنفرد بينا برانا ولكن لا وجع الراس راح ولا فضت لينا .
طبعا مرتبي بساوي لية شوالين سكر + كم ربطات جرجير بس والباقي نتموا صوم ( صوموا تصحوا ) .
باقي ليكم في بصارة مع اخوانا الجنوبين ديل

أخي ياسر لك التحية والتقدير .. أتمني أن نفرق ما بين الوطن والنظام .. الذي يتمرمط هو شعب السودان والقوة التي تهاجم السودان تقصد الشعب السوداني ومقدرات الشعب السوداني وخيرات الأرض السودانية .. ولا يظن من يظن ان الحركة الشعبية هي من تهاجم السودان .. من أين لها ذلك وبلد لم تكمل العام .. وشعبها يتضور جوعاً .. لابد ان نعي الدرس بفهم ووعي .. أن الوطني ليس بدائم علي دست الحكم .. ولكن من يدفع الفاتورة .. هو الشعب السوداني .. أتمني ان لا نستقي معلوماتنا من الترابي ولا أولاد نقد .. الذين فرحوا أيما فرح لسقوط جزء من الوطن في أيادي أرباب اليهود .. اللهم انصر الشعب السوداني آآآآآآآآآآميييييييييييين

بالتاكيد افرق مابين السودان كوطن وبقية الاحزاب التي تتصارع علي الحكم في ظل غياب المواطن عن زهنها وغيابة ، ولو تلاحظ احزابنا اذا كان اي حزب ماسك السلطة اغلب البقية معارضة هدامة ومرتمية ومرتهنة لاجندة تانية ، مافي سلطة راشدة ولا معارضة رشيدة الكل دافن للتاني وحادر لية .
ودا راجع لضيق الافق السياسي وعدم الفهم من الاحزاب او المواطن البشكل الاحزاب ويفوزها في الانتخابات وانا يائس من الاحزاب ومن في الاحزاب الحالية في ان يقدموا شي يزكر للوطن بدون استثناء لحزب حتي حزب الموتمر الحالي والكان بشكل في يوم من الايام حزبي المنظم تحتة .
علي كل حال ربنا يكون في العون

القومة ليك يا وطن
استغرب جدا... لما اسمع كلام ناس الحكومة ان الذي يهاجم السودان هي قوة خارجية ...اسرائيل وامريكا
واستغرب جد...لما يعتقد بعض العامة إن ذلك صحيح
وكلنا يعلم أن هذه الحكومة خير معين لأسرائيل وامريكا...بتفيذ سياساتهما ... من غير جهد
تقطيع الوطن.... تهميش الاطراف...إظهار وجهه قبيح للإسلام...
هذا اذا كان ما تريده القوة الخارجية...ما بلقوهو الا من الحكومة دي
وحقو الناس تتفهم الحاصل...بدل من التبعية العمياء لكل ما تصرح به الحكومة
ولو كان فعلا اسرائيل وامريكا ورا البلاوي دي ....اين طيرات الاباتشي والهووك
كان ردمو البلد ردم...
الجيش الجنوبي الجابوهو في هجليج دا..... نعلات ما لابسنها
.................

طيب يا سيدنا المدير من أين لدولة الجنوب الوليدة كل هذا العتاد .. بلد ما زالت تبحث عن لقمة العيش !!! من فصل الجنوب اليس لتنفيذ أجندة لا علاقة بينها وبين أهل الجنوب .. الآن الحرب ما حرب تدمير كما تظن .. ــ ندري أن لأمريكا وكلاب اليهود من القوة ما تدك السودان في دقائق معدودة .. ولكنها تريدها كده بلد دائخة منهكة خايرة .. كما تسمي حرب بالوكالة .. تبديل لخطط للتنفيذ حسب الظروف .. ما حصل لأمريكا ودول الكلاب من أنهاك للميزانية أدت لتغيير الأساليب .. لأن هناك من هم لا يعرفون الوطن وعلي الأستعداد لبيع أمه من أجل القرش أو الكرسي زي الترابي القذر .. وأسرائيل ليست ببعيدة عن جنوب السودان من قيام أنانيا .. ساعدت وسلحت بكل الطريق لمثل هذا اليوم .. سلفا أول حاجة عملها لارضاء أسياده فتح سفارة في القدس ما تل أبيب .. وهناك دول عربية ساعدت الجنوب كيداً في نميري والانقاذ .. ماذا فعل أول سفارة فتحها كانت تلك .. الأ من لا يتابع الأحداث أو أصيب بعمي الألوان من يقل غير أن ليست لدول الكلاب يد في مصائب الوطن السودان ...أما ان تري غير ذلك أخي عبده فأنها ترجع لأستنتاجك الخاص والخاص جداً .. أما الحقائق والواقع غير ذلك .. وأربأ بكم ان يكون فهم الوطن عندكم هو كراهية النظام .. أصحو

ياسر مهدي ياخي انت راجل صادق مع نفسك بشكل رائع

وكل الضجيج في جرذان الظلام لخصو كلامك البسيط والجميل والمعبر ده والله انا ماشفتو

موضوعك دا الا هسع والا كان نسختو في ردودي الكثيره علي ابوعبدالرحمن