طائرات تقصف سيارة بالقرب من بورتسودان
 

قصفت طائرات قبل قليل سياره بالقرب من مطار بورتسودان والسياره من نوع كوريلا وبها شخصين تفحما بالكامل في اغرب وابشع منظر اراه في حياتي

أبودبارة........
يقولون أن الطائرات جات من البحر الأحمر......
ماهي ماهية هولاء .......الفي الطيارة والفي العربية

اكيد الرد الاولي سيكون مافي معلوم

نسال الله الرحمه للذين ذهبوا ضحية الحادث

ولكن السؤال المهم يفرض نفسه لماذا الان

ماالذي جعل هذا البلد الشاسع هدفا من وقت لاخر لغارات غامضه

وهناك سؤال آخر الي متي ستظل اجواء بلادنا نهبا لكل من اراد تصفية حساب

او محاربة خصم الي متي ستظل قواتنا الباسله توجه اسلحتها ناحية صدور ابناء الوطن

الاعلام الرسمي ارهقنا بمصانع الطائرات وبمصانع السلاح وبالصفقات التي عقدت لاستجلاب

آخر الاجيال من الطائرات الروسية الصنع وغيرها

اين هذه الطائرات واين المضادات الارضيه في منطقه تكرر فيها حادث انتهاك الاجواء وتصفية خصوم

والسؤال طبعا يجر الي اسئله اخري

هل يمكن ان تكون تلك الطائرات التي تنتهك اجواءنا بحريه تامه

تأتي دون ان نكون اقحمنا انفسنا في صراع ما

ولكن لنتوقف برهه فقد سكتنا عن ماهو اكبر من انتهاك الاجواء

فقد سكتنا عن احتلال ارضنا في اكثر من موضع

نتمني ان ياتي يوم يكون لدينا جيش متكامل يحمي اجواء واراضي البلد

ولايوجه اسلحته الي الداخل ولايتحول الي ميليشيا تخص الحاكم الذي أتي من صفوفه بالتاكيد

مش أول تقرير قالو إنو حادث حركة...بين سيارة....وصاروخ من طيارة
يعني غلطان المرحوم

والله ياجماعة ربنا ستر انا كنت راجع من مطار بورتسودان استقبلت زميلي والعربيه دي كانت قدامي الشي الواضح الشفناهو الصواريخ نازلة من السماء علي العربية وبعدها العربيه ولعت لهب شديد بارتفاع تلاته متر الكان فيها منو الله اعلم لانو ما كان في طريقة نفهم حاجه لكن المؤكد انو الناس الانضربو جو في نفس الطياره الفيها زميلنا لانو الحادث كان في شارع المطار الفرعي وبعد نصف ساعة من نزول الطياره قايتو ربنا لطف بينا وقعنا بين حماس واسرائيل وحكومه مافاهمه لغة اللعب الدولي اتخيلو نحنا اتحركنا من مكان الحادث بعد نصف ساعه وسرنا مسافه اربعة عشر كلم بعدها قابلتنا عربية الاطفاء ياحكومه لقد هلرمنا والله اليشوف امريكيا روسيا قد دنا عذابها يقول ضبانه ماتخش البلد دي
معلومة اخيره الحادث وقع علي بعد ثلاثة كلم من رئاسة القوات الجوية السودانيه يعني بالعربي كدا كان في رادار مفروض يكون في المحله دي وتقول لي شنو وتقول لي منو

ابودبارة....والله دي سلامة....وحقو تحمدالله علي أن الجيش الإسرائيلي بالإمكانية إنو يفرز
وناس قريعتي راحت ديل لسة ما عارفين الحصل بالتفصيل
وكان مفترض تتصل طوالي بالجزيرة .....أو أي قناة مسئولة....وتديهم التفاصيل دي.....لان الحقيقة لا زالت غايبة
والمعلومات العندك دي لو لم فيها فريق تحري حريف.......ممكن يعرف...كمية البنزين الكان في العربية
ونمرة شاسي الطيارة

ياذول حمدلله ع السلامة