جَلد لاعبي المريخ راجي والسعودي بتهمة احتساء الخمر
 

http://i847.photobucket.com/albums/a...20/mare5_L.jpg


أقيم "حد شرب الخمر" بالجلد (40 ضربة) على كلٍ من راجي عبد العاطي وعبد الحميد السعودي لاعبي المريخ، بعد أن أدانتهما محكمة بلدية بحري برئاسة مولانا معتز عبد الله النور يوم الاثنين بتهمة احتساء الخمر برفقة 6 آخرين داخل شقة خاصة ببحري.

وذكرت صحيفة "آخر لحظة" أن النطق بحكم الجلد، شهد تجمهرا غفيرا من الرياضيين والمواطنين، وأن الشرطة ضربت سياجاً أمنياً محكماً أمام المحكمة، ومنعت الصحفيين من الدخول لتغطية الجلسة.

ووقعت احتكاكات بين بعض إداريي المريخ والصحفيين لحظة دخول المتهمين قاعة المحكمة الذين كانوا يغطون المحاكمة.



وقامت الشرطة بمهاجمة الشقة المتواجد فيها لاعبي المريخ، بعدما تلقت قوات الأمن بلاغا من جيرانهم في السكن بأحد أحياء مدينة بحري، واشتكوا فيه بأن المتهمين تسببوا في إزعاجهم.

وقرر مجلس إدارة نادي المريخ تشكيل لجنة تحقيق مع لاعبي الفريق السعودي وعبد العاطي للتحقيق معهما، على خلفية إلقاء الشرطة القبض عليهما داخل شقة ببحري وهم في حالة سكر.

شكل المجلس لجنة التحقيق برئاسة السيد محمد علي الجاك ضقل، وعضوية كل من هاشم الزبير وحسن أدريس ومتوكل أحمد، على أن ترفع اللجنة توصيتها لمجلس الإدارة في أقرب فرصة ممكنة.

يذكر أن عبد العاطي والسعودي يعدان من أبرز اللاعبين تألقا في صفوف المريخ، وقاد راجي فريقه للفوز في آخر مباراة أمام جزيرة الفيل والتي انتهت 3-0 حيث أحرز راجي هدفين.

أما عبد الحميد السعودي فهو موقوف عن اللعب منذ فترة، وترجِّح المعلومات وجود خلافات بينه والمدير الفني.

المعروف أن راجي -الذي يعتمد عليه المريخ بصورة أساسية في هجومه- يطلق عليه هذه الأيام "لاعب اللحظات الأخيرة"، لإنقاذه فريقه عدة مرات من الوقوع في التعادل بإحرازه الأهداف في الزمن الإضافي للمباراة.

تأتي هذه الإحداث في الوقت الذي تشهد فيه الساحة الرياضية توترا وشحنا إعلاميا زائدا بسبب اقتراب مباراة الديربي بين الهلال والمريخ الأسبوع المقبل، والتي سيتحدد فيها حامل لقب بطولة الدوري السوداني هذا الموسم.


صدي الملاعب


ملحوظه


( اللهم لا شماته )

عصام الشمار عندك.........ودا أسوأ جيل مرة علي المريخ...........لا كورة لا أخلاق
نصبر ونقول الاربعين جلدة شوية.........ننتظر الإدارة بتسوي شنو
ولا قينانو ديل بشفعن له
كان دي الحالة...........اتمناها سباعية من الهلال عشان كلو واحد يرجع مكانو

دي الصفوه. . . . . . . ولابلاش

لا حول ولا قوة الا بالله .. لو كنت في الأتحاد لشطبتهم نهائي من كشوفات الاتحاد ومنعهم من ممارسة الكرة بالسودان .. ومش كده وبس أوديهم الكمائن أتعلموا ليهم شغلة .. وديل كان أجلدوهم في الأستاد عشان اكونوا عبرة لمن أعتبر ..

حبيبنا منعم بديت كويس وجبت كلام زين .. بس في الآخر خربت كل حاجة والحديث الشريف بقي ما ليهو معني .. كأنك مؤيد أولادكم ديل في العملوه .. وكونك تتوقع منهم اللعب وهز شباك الهلال في حدزاتو تأييد السكرانين ديل في فعلتهم .. قلنا وارغو مقطوع طاري ومسيحي وفي شرعته الخمر حلال .. بس جماعتك ديل المفروض ياخدوا العقوبة دبل لانهم المفروض قدوة للشباب والأخلاق .. لو كنت في مسؤل في نادي المريخ لشطبتهم نهائيا من النادي .. والمفروض النادي قبل الرياضة مدرسة للاخلاق الفاضلة .. سكرانين وكمان بتتكلوا عليهم ..حيطة مايله

حبيبنا منعم بديت كويس وجبت كلام زين .. بس في الآخر خربت كل حاجة والحديث الشريف بقي ما ليهو معني .. كأنك مؤيد أولادكم ديل في العملوه .. وكونك تتوقع منهم اللعب وهز شباك الهلال في حدزاتو تأييد السكرانين ديل في فعلتهم .. قلنا وارغو مقطوع طاري ومسيحي وفي شرعته الخمر حلال .. بس جماعتك ديل المفروض ياخدوا العقوبة دبل لانهم المفروض قدوة للشباب والأخلاق .. لو كنت في مسؤل في نادي المريخ لشطبتهم نهائيا من النادي .. والمفروض النادي قبل الرياضة مدرسة للاخلاق الفاضلة .. سكرانين وكمان بتتكلوا عليهم ..حيطة مايله :mad:

:)والله انا دى الحاجه العارفه انو راجى كان متعاطى فى المباراه طيب لو كان ما شارب كان سوه فيكن شنو
الحقوا هيثم مصطفى من السجن خلونا من الناس البشربوا لكن الناس البقتلوا ديل اسوء ليهم شنو

انا مريخبى على السكين لكن راجى وعبدالحميد ديل ا خذ عقابهم وانته ياهلالاب اسكوتو ساكت ماعندكم خشم تتكلمو بيه فصاحه هنا بس فى السودان مره تشيلو الممتاز ومره كاس السودان ياخى جيبو ليكن كاس واحد من بره وتعالو اتفاصحو مع المريخ وخلوها بالله سيرت الناس كلكم خطائون وخير الخطائون التوابين ربنا اتوب عليهم وعلينا