|
جني وجن...........!!!
مساحة ...توري فيها عدم الرضا لتصرفات هنا في المنتدي او في اي حته
بطريقتنا المعهودة.....جني وجن الحاجة الفلانية ابدأ ليكم جني وجن اجي المنتدي وما القي ذول جني وجن الحليفة "حرم كان تاكل"...بعد ما اشبع |
جني وجن الزول البخش البوست ده ومايعلق
|
ياعبده
يا عبده يا اخوي الديوان ده دخلناه ولقينا سرايره كتيره دايرين نشوف الراقد صاح منو والراقد غلط اصبر لينا شويه
|
بمناسبة جنى ياعبدو 00 أنا جنى وجن زول يدخل المنتدى ويكتب بوست مرثية فى زول مات من عشرات السنيين وشبع موت أول ما تقرأ المرثية قلبك يقيف وتقول الميت دا من ترب
البنية واللا شنو مات وقام تانى 000 وجنى وجن زول يكون جاييك فى بيتك واللا واعته تتقابلو فى مكان معين وتفضل توصف ليهو فى البيت او المكان بالتفصيل الدقيق والممل لف يمين وادخل واقطع الاشارة ويقوليك يازول خلاص وقع لى وتفضل منتظر حضوره ويتصل عليك عشرات المرات وفى كل مرة تسال أأأه اتا وين أنا جمب البقالة لتكتشف أخيرا أنه لم يستوعب ولا ربع وصفك وتطر تذهب اليه اما راجلا أو بسيارتك والمفروض ان يكون واضح من الاول وما يعمل فيها الود تفتيحة00 وجنى وجن الزول تكون ماش معاهو فى طريق عام وماشين فى امان الله فجأة شاف ليهو زول بعرفو يقوم يزوغ منك ويمشى يسلم عليهو بدون علمك وبدون استأذان منك ويخليك واقف تتلفت فى الشارع زى الزول مخروت القمار ياربى الزول مشا وين وبعد فترة من الزمن تشوف زولك واقف هناك ضارب الحنك |
Quote:
جني وجن ... المس كول والرقم مخفي جني وجن ... موية البلاعات الجارية في الزقاقات والبكشحوها..... وخاصة في الضلمة جني وجن ...قرصة النملة في الضهر جني وجن ... البيبسي الحار...والكلب البخلو ينوم تحت الأزيار ................. |
جن وجن الزول البقول المنتدى بقى بايخ ................... |
اخونا يوسف جني وجن الزول يفضح واحد مابعرف الوصف وسواق جديد
|
جني وجن عوض خضر لما يغيب يوم كامل وجني وجن مواضيعو البتقراها كلها بدون ما تعمل فرامل ------ جني وجن عبده لما يدخل وما يلقى موضوع جديد وجني وجنو لأنو ما بهرش المشرفين من الغياب الشديد ------ جني وجن عبارة 12 عضو و 320 زاير وجني وجن العضو البيقرا ويقوم طاير ------ جني وجن العضو البتاوق بدون مايعمل للدخول تسجيل وجني وجن الزاير البدخل كل يوم وما قادر يدوس زر التسجيل ------ حني وجن العضو البسجل باسم مستعار وجني وجنو لما ينتقد الأعضاء البشاركو باستمرار ------ جني وجن أبو عبدالرحمن لما يعمل نايم وجني وجنو لما يجي السودان وما يجينا حايم ------ جني وجن محمد إبراهيم لما ما يرضى النصائح وجني وجنو لما يصر إنو المنتدى ما بقى بايخ |
والله يامعروف كان دايرك تضيف جني وجن مامون لما يحرد
وجني وجن اسخليوس لما يتغاتت وجني وجن ياسر خليل لما يتباعد وعمار لما يتشاغل وعبده نورين لما يدفن دكن |
جني وجن.... الزول البقول داير شطة وبعدين يقول حارة
جني وجن ...المجابدة في الضلعة جني وجن..... إسم قرية الصفا |
| All times are GMT. The time now is 03:18 AM. |
Copyright ©2000 - 2024, Futeis.com