عشانك انتى اتحدى المستحيل
 

هل ترانا نحب السودان كما يحب المصريين مصر ؟

http://www.youtube.com/watch?v=QFWPjLcyTsc

لا والف لا .. ونحن أساسا ما بنحب غير أنفسنا وبس .. نفتقد للتربية الوطنية الحقيقية من داخل البيت والمدرسة والشارع والمجتمعات .. والانسان الوحيد الممكن تلاقيه في الغربة وأقول ليك قدام كل الاأجناس ملعون أبو السودان ما تمشي .. ولا أقول ليك السودان عندي فيهو شنو تاني ما راجع .. وهناك فرق بين العوز والحاجة والوطنية وأرتباط الانسان بوطنه واهله

بلادي وان جارت علي عزيزة وأهلي وان ضنوا علي كرام

أتفق معك الأخ عارف في أن فعلا الشعب الوحيد اللمن يتخارج... بقول ليك ملعون أبو السودان
بس أخ عارف ما اعتقد الموضوع تربية... وبس
التربية موجودة بالغريزة... في التعامل بين الناس بالبتشوفو في الشارع في لمة عرس في شيل فاتحة
في أبو مروووا.... دا السودان ودا الوطنية
الموضوع فيهو ابعاد تانية... ومنها أن الإنسان عندما لا يحس بقيمتة كمواطن بتتساقط هذه المبادي
وببقا ما بتعلق شديد بالوطن.
أديك مثال هنا
لما يحدث لي بريطاني شي في دولة .... بتتناقش مشكلتو في البرلمان...وبتدخل وزير الخارجية
وفعلا بتحس انو الانسان عندو قيمة... وإنو الوطن محتاج ليهو زي ما هو محتاج للوطن