السودان السمح
 

ابو عبدالرحمن مسئول من الخير الصخره الحمراء الفوقها شجره حمراء دي شنو ووين موقعها

أنا لي 6 سنة مازرت الحرطوم شن خبرني بيها أسأل عبدو نورين .. تلقاه لفة مع العروسة أمكن تكون لاقتو http://www.youtube.com/watch?v=nv8smvWNgbU

سمح كمان بالاهل والاحباب واجمل الذكريات

السودان سمح بناسو .. وبطيبتو ..وبأخلاق أهله .. وبكرم أهله .. وايثار أهله .. ورجالة اهله في الملمات .. وبحنان ناسو ودعاش ونسمة خريفو .. وصوت بقرة حلوبة ليها ضرع .. بتنادي في أولادها .. السودان جميل ويحتكر كل الجماليات في شعبو الطيب فقيرو والغني .. المرضان والشديد الزهجان والفرحان .. الجيعان والشبعان .. طيبين وعايشين عيشة واحدة .. الأ من الأغنياء الجدد .. وديل خارج نطاق الحسابات ولا نموذج نحكم به.. السودان سمح والبقول غير كده اول حاجة أقلع النظارة السوداء اللابسها .. وأراجع حاسابتو مع نفسو .. واجينا مرتاح وخالي البال ..بشوف الشايفنو نحن .. وصلت ياحريش الدين الحكوة ..

الأرزل مما قلت قذارة النفوس .. ووسخ الضمائر وقارورة مليان أشياء أخري .. والذي يشرب موية صحة ديل من الناس الجدد الذي أشرت لهم بأنهم ليس بالنموزج الذي يحزننا لو فقدناه ولن نربح أن كسبناه بما يحمل من قذارة .. أنا لا أنتمي للخرطوم بأي مشاعر ولا تعنيني سوي أنها عاصمة للسودان .. وبالتالي أنظر لأهلها بأسف .. يهمني ناسي الفي جزيرتي .. أتبولوا في ضهر الترعة وأزيدوا الأرض خصوبة وبعد داك اتلفتو شايفن زول .. مجبولين علي الحياء وزيادة في الادب .. وأسفي وحرة كبدي لو ما كنت من زي ديل .. ولو جربت الغربة وشفت الشفناه لتأكدت بأن السودان وبكل سلبياته والمابعجب والبعجب .. مش جنة وبس ديل جنتين .. وجرب وبعدين نحكي ..وبطل غلبة وكتر كلام الجدادة دي فضل ليها كم عشان تنزلها من النار