|
نداء هام
بسم الله الرحمن الرحيم
الاخوة والاخوات اعضاء المنتدي لقد ظهر فتور واضح علي المنتدي الا بعض المثابرين وبعد ان استبشرنا خيرا بعودة اخونا معروف لكن سرعان ما غاب القمر .. واني لاسأل اين هاؤلائ النفر واتنمي ان يعودو ادراجهم 1- الصادق محمد عوض الجيد-- وحكاياتة 2- ياسر الخليل --ووتحليلة الشيق للامثال 3- عثمان الخليل- وصلعته 4-عبد الله خير الله --وذكرياتة 5--ام محمد ومكتبها لخدمات الزواج 6-- منعم ---وعسله 7-- مامون --ودررة من القصائد 8-عارف ذو المعارف --ومشاكساته 9--عبد الملك---وامثاله 10--نضال ---وحكاويها 11-- ود نورين 12-- يوسف سعد اتمني ان يجد النداء ردود من الاخوة المذكورين وهنالك مجموعة اخري كان لها القدح المعلي في اثراء المنتدي لم يتم زكرهم والقصد كان للتذكير فقط اما اخي عبدو مصطفي وعوض خضر ووفاء دفع الله ومحمد ابراهيم وياسر مهدي فما زالت روائح عطرهم تفوح بين طيات المنتدي ولابن مصطفي قرشي اتمني ان يعود الملتقي اجمل واحلي وان نعمل بهمة ونشاط اخي مامون اعلم ما زال في جعبتك الكثير فلا تبخل علينا الابنة وفاء يا ريت لو تضمي الينا زحل دفع الله فهي موسوعة متحركة وتحمل الكثير الكثير وخلود ايضا لا تقل عنها .... هذه محاولة مني اتمني ان اجد اجابة من الاخوة والاخوات |
الأخ عبدالعزيز .......... لا أحد ينكر الفتور الذي تسلل الي اعضاء المنتدي
وهم كثر....ونتمني إعادة الجميع....حتي نتحرك الي الأمام لك مني كل الإحترام والتقدير |
والله ياعبدالعزيز الحلو
الناس دي فجاءتا كدا لقيناهم مافي بين عشيتا وضحاها زي ناس الحفلة مانتطول عليك وانت مشغول تمنياتنا بان نشوفهم بينا يسرحوا ويمرحوا ويلا ياناس ما تخزلوا عمنا عبدالعزيز وانا مجهز ليكم بي جاي كفتيرة الشاي بالبن وحبة لقيمات البجي اول اشيل اللقيمات والنساء عامل ليهم يوم مفتوح بالكريمات والبيقن يلا تعالوا اتجلطوا |
السلام عليكم ورحمة الله وبركاته
لك التحية والتقدير اخي عبد العزيز جلسنا في كرسي عزيزي المشاهد وانشاءالله نقوووم منو ونتمني للجميع العودة زي ما قال اخونا عبدو وانت اخي ياسر دي واحدة ظهرت امشي جيب بودرة وحبوب الكولاجين اليابانية خلينا نرجع عشرة سنين ورا و خليك من البيقن |
لاخ عبدو والاخ ياسر والاخت ام محمد مشكورين ع المرور وقول للاخ ياسر ما يكون كلام ام محمد راجياك ياباني اصلي ما تنسي ما زلت اتمني عودة البقية
|
خليتي الجداد البرازيلي والسمك التايلندي
وقبلتي علي الكولاجين تاني شريانك التاجي دا الا نسلكوا بي سيخة 10 لينه |
أب احمد وسمار المنتدي أزيكم وكل سنة وإنتو تامين ولامين ... مليار من الود والتقدير
عزنا ما فقدتك شينة يا جميل وبقول ليك ... قول الدوش .... أقول والشمس ِفي عز الأمل تهتَ ومَشيتْ أقول يا نِحنَ يا إنتو وبكيتْ يا مواعيد .. يا صباح من غير وسـِم تهتَ ومَشيتْ ما ضَـلـّمتْ .. ما بْـتــَعرِفْ الزول البجيك .. ولا البـِجيكَ بيـَعرِفكْ حتى الشبابيك والزوايا الكان بـِتَجْمَع في حناياها الشكوك ضَـلـّمتْ أغشاكِ يا نفسي الغريبه من همومي أطلـّعـِك ألقاكِ واقفهْ على الطريق أحزان بتـَفرح وتشتبـِك أفراح بتحزن وتـِرتبـِك لمّنْ رحلتَ مع الغـُنا عـِز الأماني وضَـلـّمتْ مدّيت على الأمل القريب أشواق كـَتيره وقصّـرتْ في زاويه من ضُل الشجون جابت ظنونا وقيـّـلت كلّـمتَ أشجار الخريف عن شوق نما في الوحشه والزمن الأسيف دلـّتنيـ اْفتـّش في المغارب وفي المشارق عن علامات أو رصيف تـَرقـُد الأزهار عليهو يا بنفسج كُحلي غالي وبـُرتقالي أمشو إنتو .. أنا البقيف ما ضَـلـّمتْ .. |
تسلم والله يا استاذ مامون ليك وحشة بجد الف مرحب بيك وعودا حميدا يا بنفسج
|
| All times are GMT. The time now is 08:42 PM. |
Copyright ©2000 - 2024, Futeis.com