ﺑﻄﻨﻲ ﻃﺎﻣﻪ ﺟﻨﺲ ﻃﻤﺎﻡ
 

طبعا ما لقيت الكاتب للاشارة الية منقولة وموجودة علي المنتديات وفي الفيس بك
يبدو ان الناس بقت تخمخم ساكت .


ﺗﺘﺰﻛﺮﻱ ؟
ﺗﺘﺬﻛﺮﻱ ؟؟
ﻳﻮﻡ ﻛﻨﺎ ﻓﻲ ﺍﻟﺠﺎﻣﻌﻪ ﺍﻟﻌﺼﺮ
ﺑﻌﺪ ﺍﻟﻤﺤﺎﺿﺮﻩ ﻣﺎ ﺍﻧﺘﻬﺖ
ﺟﻴﺘﻴﻨﻲ ﺑﻰ ﺍﺟﻤﻞ ﺧﺒﺮ
ﻳﻮﻡ ﻗﻠﺘﻲ ﻟﻲ ﺑﻬﻮﺍﻙ ﻛﺘﻴﺮ
ﻭ ﺣﻨﺒﻘﻰ ﻟﻰ ﺁﺧﺮ ﺍﻟﻌﻤﺮ
ﻃﺎﺭﺕ ﺣﺮﻭﻓﻲ ﻣﻦ ﺍﻟﻔﺮﺡ
ﻣﺎﻟﻘﻴﺖ ﻭﻻ ﻧﻘﻄﺔ ﺣﺒﺮ
ﻛﻞ ﺍﻟﻜﻼﻡ ﺍﻟﻔﻲ ﺍﻟﻜﺘﺐ

ﻣﺎ ﺷﻔﺖ ﻣﻨﻮ ﻭﻻ ﺳﻄﺮ
ﺭﺟﻠﻲ ﻳﻄﺎﻗﺸﻦ ﻓﻲ ﺑﻌﺾ
ﺗﺤﻠﻒ ﺗﻘﻮﻝ ﻣﻮﺝ ﺍﻟﺒﺤﺮ
ﻭﺑﻘﻴﺖ ﺍﻗﺎﺑﺾ ﻓﻲ ﺍﻟﻨﻔﺲ
ﻭﻛﻤﺎﻥ ﻋﺮﻗﺖ ﺟﻨﺲ ﻋﺮﻕ
ﻭﻋﺘﺮﺕ ﻓﻲ ﺍﻟﻜﺮﺳﻲ ﺍﻟﻮﺭﺍﻱ
ﺭﺩﻳﺖ ﻋﻠﻴﻚ
ﺑﻰ ﺻﻮﺕ ﺑﻌﻴﺪ
ﻋﻴﺪﻱ ﺍﻟﻜﻼﻡ ﻟﻲ ﻣﻦ ﺟﺪﻳﺪ
ﻳﺎﺑﺖ ﻛﻼﻣﻚ ﻛﺎﻥ ﺍﻛﻴﺪ ؟
ﺭﺩﻳﺘﻲ ﺻﺎﺡ ﺑﻬﻮﺍﻙ ﺷﺪﻳﺪ
ﺍﻟﻠﺤﻈﻪ ﺩﻳﻚ ﺣﺴﻴﺘﺎ ﻋﻴﺪ
ﻳﻮﻡ ﺑﻜﺮﺍ ﺍﻭﻝ ﻳﻮﻡ ﻏﺮﺍﻡ
ﺍﻟﻠﺒﺴﻪ ﻛﻴﻒ
ﻭﺍﻟﺸﻜﻪ ﻛﻴﻒ
ﻭﺍﻟﺠﺰﻣﻪ ﻟﻮﻥ ﺗﺒﻊ ﺍﻟﺤﺰﺍﻡ
ﻭﻣﺮﻗﺖ ﻣﺴﺘﻌﺠﻞ ﺷﺪﻳﺪ
ﻣﺒﺴﻮﻁ ﻭﺣﺎﻟﻲ ﺗﻤﺎﻡ ﺗﻤﺎﻡ
ﻻﻗﺘﻨﻲ ﻋﻤﺘﻲ ﻓﻲ ﺍﻟﺪﺭﺏ
ﺿﺤﻜﺖ ﻭﻗﺎﻟﺖ ﻣﺎﻑ ﻛﻼﻡ
ﺍﻟﻠﻴﻠﻪ ﻣﺎﻟﻚ ﻳﺎ ﻭﻟﺪ
ﻗﻮﻝ ﻟﻲ ﺳﺮﻳﻊ
ﻗﻮﻝ ﻟﻲ ﻗﻮﺍﻡ
ﻭﺿﺤﻜﺘﻪ
ﺭﺩﻳﺖ ﺍﻟﺴﻼﻡ
ﻗﺖ ﻟﻴﻬﺎ ﻋﺎﺩﻱ
ﺩﺍ ﺑﺲ ﻧﻈﺎﻡ
ﻭﻣﺸﻴﺖ ﻭﺧﻠﻴﺘﺎ ﺑﺘﻘﻮﻝ
ﻳﺤﻤﻴﻚ ﻣﻦ ﻋﻴﻦ ﺍﻟﺤﺴﻮﺩ
ﻣﻦ ﻟﻤﺔ ﺍﻭﻻﺩ ﺍﻟﺤﺮﺍﻡ
ﻭﺍﻧﺎ ﻣﺎﺷﻲ ﻣﺒﺴﻮﻁ ﻓﻲ ﺍﻟﻄﺮﻳﻖ
ﺳﻜﺘﻨﻲ ﻛﻠﺒﺔ ﻧﺎﺱ ﻋﺼﺎﻡ
ﺷﺮﻃﺖ ﻋﻠﻲ ﺍﻟﺒﻨﻄﻠﻮﻥ
ﻭﺍﻟﺪﻧﻴﺎ ﺻﺒﺤﺖ ﻟﻲ ﺿﻼﻡ
ﺳﺒﻴﺖ ﻟﻌﺼﺎﻡ
ﻳﻘﻄﻊ ﻋﺼﺎﻡ
ﻭﺳﻨﻴﻦ ﻋﺼﺎﻡ
ﻭﺭﺟﻌﺖ ﻟﻠﺒﻴﺖ
ﺑﻄﻨﻲ ﻃﺎﻣﻪ ﺟﻨﺲ ﻃﻤﺎﻡ
ﻏﻴﺮﺕ ﻫﺪﻣﺎﺗﻲ ﻭﻣﺸﻴﺖ
ﺍﻟﺤﺎﻓﻠﻪ ﻟﺴﻊ ﻣﺎ ﺍﺗﻤﻠﺖ
ﺩﺍﻳﺮﻳﻦ ﻧﻔﺮ
ﻳﻼ ﺍﻟﺴﻔﺮ
ﻭﻭﺻﻠﺖ ﻟﻠﺠﺎﻣﻌﻪ ﺍﻟﻀﻬﺮ
ﻓﺘﺸﺖ ﺯﻭﻟﺘﻲ ﻭﻣﺎﻟﻘﻴﺖ
ﺍﺗﺎﺭﻳﻬﺎ ﻓﻲ ﻧﺺ ﺍﻟﺸﺠﺮ
ﻗﺎﻋﺪﻩ ﺑﺘﻘﻄﻊ ﻓﻲ ﺍﻟﻨﺠﻴﻞ
ﻭﻣﻌﺎﻫﺎ ﺷﺎﺏ ﺯﻱ ﺍﻟﻘﻤﺮ
ﻭﺍﻧﺎ ﺷﻔﺘﻬﻢ
ﺯﺍﺩ ﻓﻴﻨﻲ ﻫﻢ
ﻗﻠﺒﻲ ﺍﺗﻮﻫﻢ
ﻳﺎ ﺭﺑﻲ ﻫﻢ
ﻳﻤﻜﻦ ﻳﻜﻮﻥ
ﺯﻭﻝ ﺑﺸﺒﻬﻢ
ﻭﺭﺟﻌﺖ ﻟﻠﺒﻴﺖ

ﺑﻰ ﻓﻬﻢ
ﻣﺎ ﺗﺤﺐ
ﻋﺸﺎﻥ ﺁﺧﺮﻭ ﺍﻟﻨﺪﻡ
ﻭﻣﻦ ﻳﻮﻣﻮ ﺩﺍﻙ
ﺍﻋﻠﻨﺖ ﺍﻧﻮ
ﺍﻟﺮﻳﺪ ﺣﺮﺍﻡ
ﺍﻟﺤﺐ ﺣﺮﺍﻡ

....والله ياهو سجم السجم
قطيع نجيلة كمان
ناس بتزرع في الوهم
هي البلد كلها ماشة بلا فهم
كان بس بدورعرف
كيف رجعت انت بي فهم

طبعا عجبني رصريص للكلام
واعتقد ماش مع الجرس الموسيقي للنص
بس اعتقد لو فهمت الكلام هنالك سؤال ؟

واقول ليك

يا الداير الفهم وانت سيد الفهم
ما اظن بنغيب ونسيب منتدانا حاشا ما كان العشم
حرم كل يوم دايرين نشوفوا فوقنا عالي الشمم
والدايرنا بلقنا ديما فوقوا والقي اخبار الاهل .