منتديات قرية فطيس - متقول مشتـــــــــــــــاق عشان ما يزيد الشوق

منتديات قرية فطيس (http://vb.futeis.com/index.php)

- ضل المنتدي (http://vb.futeis.com/forumdisplay.php?f=27)

متقول مشتـــــــــــــــاق عشان ما يزيد الشوق

عاوز تقول مشتاق لــــ....... الاهل - الاخوان - الاصدقاء - الحبايب - اى حاجه حتى لو منطقه من المناطق او حتى لو وجبه مشتاق ليها وبصراحه كمان اى حاجه

http://www.youtube.com/watch?v=ZXJksdSLS9A

شوقنا للأهل ... للناس الطيبة... للأحبة...لريحة الواطة...لموية المواسير المكسرة...للزقاقات
لصوت البهائم... ونبح الكلاب.......شوقنا لكل حاجة هناك

Quote:

Originally Posted by عبده مصطفي إبراهيم (Post 19387)

تحياتنا لك نتمنى ان تكون بيننا نرسل لك من هنا موية ترعه عشان قالو المويه عندكم قاطعه
ههههههههههههههههههههههههه ههههههههههههههههههههههههه ههههههههههههه

مهما تبعد ما بقول فى لحظه انسى
ولو مراكب شوقنا تاهت بكره بالافراح بترسى
وتبقى لاحلى واحه ولدروبنا الطايله مرسى
انت دائما فى خيالى وانت فى ذكراى هسه

***********************
بين الشوق وشوفتكم بنسال روحنا الف سؤال
نشوفكم وين وكيف ومتين عشان ننهى الفراق الطال
ولسه فينا باقى جدال واهم سؤال كيف ياانتو والاحوال

*****************************
بنتلاقى مهما جارت الايام وشالت بهجة الفرحه
غناوينا وحكاوينا بشاشة حبنا السمحه
وليلى الصبحو ما لاقى احسو اقول
بنتلاقى................ونتلاقى

*************************
لك التحيه يامحمد وياريت البوست دا يكون مساحه لكل الاعضاء ليكون مرسى للاشواق وذلك بكتابة خاطره او مقطع من اغنيه
اوبيت شعريعبر عن الشوق.

Quote:

Originally Posted by ام رهف (Post 19410)

*************************
لك التحيه يامحمد وياريت البوست دا يكون مساحه لكل الاعضاء ليكون مرسى للاشواق وذلك بكتابة خاطره او مقطع من اغنيه
اوبيت شعريعبر عن الشوق.

وانا مع هذا الإقتراح.... نشوف الناس كيف تعبر عن الشوق....

وقت اشتاق برحل ليك وانت معاى
الاقى الضمه تصبح كسره فى جواى
تفر لغة العرب منى وتبقى مناى
اتاريك حلم قابع من صغرى حتى صباى
اتاريك النفس والروح ليوم واعد بكره جاى

أشتاقُ أن تبدو المدينةُ مَسكناً ....
ويعودُ للناسِ البريقُ العذبُ ,,, يَبتهِجُ الصِغار ....
وترجِعُ الطرُقاتُ في لونِ الوِصال ...

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ

ومُشتاقة يوم كدي بالنِهار ....
فرَح المواسِم نقرعوا ........
صوت الطائرت يجي من بعيد ......
فوق المطارات نسمعوا .......
أشواقنا والناس الزمان .....
وكل المسافريِن يِرجعوا .....

يامعشوقي ليك من شوقي كل الشوق

احب فطيس ورحة البن فى النهاريات وطلوع العصر عشان نتونس مع الاهل و الاصحاب
تسمع زغاريت تقول يا جماعه فى شنو انت ماعارف يامحمد الليله فلانه ما شبكتا
وبعد شويه الناس تجى كميات يباركو لى الخالات والعمات وناكل الحلاوه ونشيل لينا بلحات
ديل اهلى ناس فطيس تلقاهم فى المناسبات
وبشتاق ليهم قدر ما اشوفهم بزيد الشوق كمان اشواق