من سنين مرت
والله أنا ماعايزة أكتب عن زول ولا إسم بل عايزة أسأل سوال كدا وكدا طبعا من زمن بعيد يمكن جدا كان ميدان الكورة دا مافي محلو دي كان وين ياناس زمان ؟ ؟ ؟ ؟ ؟ ؟ وكان في فطيس( إبن من أبناء ود حق الله ) عاش في الحلة دي فترة زوجتو كان إسمها خديجة بس هو كان إسمو منو و و و و ؟ ؟ ؟ ؟ ؟ ؟ ؟ ؟ ؟ ؟ ؟ ؟ ووين كان ساكن علما بأنو كان لاعب كرة مميز ؟ ؟ ؟ ؟ يلا كدي نشوف العجايز الهنا يلا يلا يلا . . . . . . . .
|
Quote:
يا ختي الكلااااااااام دا جبتي من وين قدر ما حاولت واتصلت بصديق ما عرفتها خديجة دي انا زاتي ما عرفتها .. انت عارفه الناس ديل ولا دايرة تعرفيهم وكان عندك معلومة قربي لينا شوية بطلتي شغلتي هههههههه يلا اها دي عجوز ظهرت ولا تنتظري الباقين كلهم شباااااااااااااب هههه |
أستاذة رشا .. تحياتي .. موقع الميدان كان في نفس المكان الحالي بس كان قريب أكتر من المدرسة .. ثم نقل الي مكان الثانوية بنات ثم رجع تاني .. لكن قال يقال والعهدة علي الراوي كان في ما يعرف بميدان الربيع خلف زاوية الختمية والآن فيهو منزل الأستاذ السماني الطاهر وجيرانه .. الكلام دا سمع ساي .. بس الميدان الفي الثانوي لعبنا فيهو ..بس ما عجايز
ناس حق الله كانوا في المحطة .. عوض خضر ممكن أفتي في الأمر دا أكثر |
جبت النصف
تسلم أستاذ عارف ذي ماقالوا جبت الفيل من ديلو بس للتوضيع ود حق الله كان ساكن في نص الحلة فعلا الميدان إسمو ميدان الربيع كان وموقعو كان ورا السوق لحدي بيت أ/ السماني . أصبت والله ام محمد العجايز كتار هنا بس شكلي كدا أنا أكبر العجوزين هنا أها أظهر وبان عليك الامان بالنسبه للكلام دا جبتو من وين ربنا يدي كبارنا العافية دا كان في ونسة ظريفة مع أبوي وحكاوي زمان وياحليل زمان،،،
|
رشا سلااااام
اها يا ختي قربي .شوية اي معلومة زيادة فيك الخير .ما عندهم بنات قوووولي .. |
ودحق الله بتاع العين علي ما أعتقد أسمو مزمل كان شغال في المحطة .. بس حكاية سكنو في وسط الحلة دي ما بتذكرها ـــ المعني صغار شوية
|
رشا اجي اختفيتي مالك .....
تعالي ياختي وريني الشمار دا ... دخلنا ناس كباااار والموضوع بقى مهم شديد |
صباح الخير ود حق الله بتاع العين كان ساكن في وسط الحله في بيت ناس عبدالله محمد أحمد اسي من زمنا خدو مشلخ وكان إسمو حسيين
|
عييييك دا مش زمنا خدو مشلخ ؟ دا زمناً مشخبط .. كان كدي أبوك طلع عجوز خلاص .. أنا بعرف مزمل أمكن ولدو .. يعني العين بحسين .. مش حسين الدكتور حسين بتاع العيون التي في طرفها سحرً ؟
|
والله استفدنا معلومة جديدة وابوك دا موسوعة ربي اديهو العافية يلا بحتي لينا معاو وطلعي لينا كم حاجة
بس كلامك دا انا مبسوووووووطة لووووووووولولللللل عشان ما طلعت عجوز .. ولا حضرت ميدان الربيع ولاغيرو من قمنا الميدان في محلو دا بالنسبة لي دا المهم هههههه لوووولووو فرحانة وكدا |
All times are GMT. The time now is 08:15 AM. |
Copyright ©2000 - 2024, Futeis.com