ﺍﻟﻬﻢ ﻓﻲ ﺍﻟﺮﻳﻒ
 

ﺍﻟﻬﻢ ﻓﻲ ﺍﻟﺮﻳﻒ ﺑﻴﻦ ﻭﺍﺟﺐ ﺿﻴﻒ ﻭﻋﺮﺱ ﺟﻮﺩﻳﺔ ﻭﺳﺪﻩ ﻣﺎﻝ

ﻭﺁﻣﺎﻝ ﻃﻴﺎﻧﺔ ﻭﺃﺣﻼﻡ ﺗﺮﺑﺎﻝ
ﻭﺣﺮﻡ ﻣﺎﺗﺪﻓﻊ ﻋﻨﻚ ﻳﺎﺧﺎﻝ
ﻭﺷﻬﺎﻣﻪ ﺍﺧﻮﺍﻥ ﻭﺣﻨﺎﻥ ﺟﻴﺮﺍﻥ
...
ﻭﻣﺴﻴﺪﻩ ﺷﻴﺦ ﻟﻤة ﺣﻴﺮﺍﻥ ﻭﺻﻮﺍﻧﻲ ﺗﺨﺶ ﺑﻴﺖ ﺍﻟﺠﻴﺮﺍﻥ

ﻭﺍﻟﺴﻤﺤﻪ ﺗﻘﺶ ﻓﻲ ﺑﻄﻦ ﺍﻟﺒﻴﺖ
ﻭﺍﻟﻨﻌﻤﻪ ﺑﺘﺸﺤﺪ ﻃﺮﻗﻪ ﻛﺴﺮﻩ ﻭﺣﺒﻪ ﺯﻳﺖ !..

ﺃﻧﺼﺎﺹ ﺍﻟﻠﻴﻞ ﺩﻟﻮﻛﻪ ﺗﺸﻖ..
ﻧﻴﺮﺍﻥ ﺗﻘﺎﺑﻪ ﻓﻲ ﺍﻟﺨﻠﻮﺓ ﺗﺒﻖ..
ﻣﻄﻤﻮﺭﻩ ﺍﻟﺨﻴﺮ ﺳﺤﺎﺭﻩ ﻭﺣﻖ..

ﻭﺳﻤﺎﺣﻪ
ﻓﺎﻃﻨﺔ ﻭﻗﺖ ﻣﺎﺗﺪﻕ ..
ﺣﺘﺮﺍﺵ ﺍﻟﺒﻦ ﺑﻴﻦ ﻳﺪ ﻭﻣﺪﻕ ♥

ﺑﻠﺪ ﻣﻔﺮﻭﺷﺔ ﺑﺎﻟﺒﻜﻴﺎﺕ
ﻓﻼﻥ ﻋﻴَّﺎﻥ.. ﻓﻼﻥ ﺩﺍﻙ ﻣﺎﺕ
ﻓﻼﻥ ﺳﺠﻨﻮﻫﻮ ﻓﻲ ﺷﻴﻜﺎﺕ
ﻓﻼﻥ ﺩﺍﻙ ﺳﺎﺏ ﻭﻻﺩ
ﻭ.. ﻭ ﻓﺎﺕ
ﺻﺒﺮ .. ﻛﻢ ﺟﺎﺑﻪ ﺍﻟﺴﻨﻮﺍﺕ
ﺿﺮﺍﺋﺐ.. ﻭﻛﻬﺮﺑﺎ.. ﻭﺣﺎﺟﺎﺕ
ﺟﻤﺎﺭﻙ.. ﻭ ﺟﻮﻃﺔ ﺇﺟﺮﺍﺀﺍﺕ
ﻋﻮﺍﺋﺪ.. ﻭ ﺟﻮﻗﺔ ﺇﻳﺼﺎﻻﺕ
ﻭﺯﻭﻟﻚ ﺃﺻﻠﻮ ﻏﻠﺒﻮ ﺛﺒﺎﺕ
ﺷﺮﺩ.. ﻭ ﻫﻤَّﻞ ﻭﺭﻭﺍﻫﻮ ﺑﻨﺎﺕ
ﺑﻠﺪ ﺣﺎﻛﻤﺎﻫﺎ ﺷﻠﻠﻴَّﺎﺕ
ﻭﻣﺴﺌﻮﻝ ﺑﺲ ﺑﺘﺎﻉ ﻧﺎﺳﺎﺕ
ﻋﻤﺎﺭﺍﺗﻮ ﺍﻟﺒﻘﻦ ﻧﺎﻃحﺎﺕ
ﻭﻋﺮﺑﺎﺗﻮ ﺍﻟﻬﻨﺎﻙ ﺳﻤﺤﺎﺕ
ﻭﺃﻣﻮﺍﻟﻮ ﺍﻟﺒﻘـﺖ ﺷﻴﻜﺎﺕ
ﺭﻭﺍﻳﺔ.. ﻭﻧﺎﺳﺎ ﺿﻤَّـــﺔ ﺛﻘﺎﺕ
ﻓﻲ ﻧﺎﺱ ﺑﻴﻦ ﻳﻮﻡ ﻭﻟﻴﻠﺔ ﺯﻭﺍﺕ
ﻭﻧﺎﺱ ﺩﺍﻳﺸﺔ.. ﻭﺑﻘﺖ ﺃﻣــﻮﺍﺕ
ﺃﺳﺮ ﺧﺎﻣَّﺎﻫﺎ ﺑﺎﻟﻤﻴَّﺎﺕ
ﻭﺃﺳﺮ ﻋﺎﻳﺸﺎﻫﺎ ﺑﺲ ﺭﻛﺸﺎﺕ
ﺩﻭﺍﻡ ﻏﺮﻗـﺎﻧﺔ ﺳﻠﻔﻴَّﺎﺕ
ﺻِﺒﺢ ﺷﻌـﺐ ﺍﻟﺒﻠﺪ ﻃﺒﻘﺎﺕ
ﻧﺎﺱ ﻣﺎ ﻧﺎﺱ.. ﻭﻧﺎﺱ ﺭﺍﺣﺎﺕ
ﻧﺎﺱ ﺑﺎﻟﺨﺎﺹ.. ﻭﻧﺎﺱ ﺑﺎﺻﺎﺕ
ﻭﻧﺎﺱ ﻻﺑﺘﻮﺏ.. ﻭﻧﺎﺱ ﺁﻻﺕ
ﻭﻧﺎﺱ ﻫﺎﺟﻤﻴﻦ.. ﻭﻧﺎﺱ ﺑﺎﻛﺎﺕ
ﻭﻧﺎﺱ ﻳﺘﻌﺸُّـﻮﺍ ﺣﻠﻮﻳَّﺎﺕ
ﻭﻧﺎﺱ ﻃﻮَّﺍﻟﻲ ﺑﺲ ﻓﺘـَّﺎﺕ
ﻭﺭﻏﻢ ﺗﺮﺍﻛﻢ ﺍﻟﻌـﺒﺮﺍﺕ
ﻭﺻﻮﺗﻨﺎ ﺍﻟﺒﺤَّﺔ ﻓﻲ ﺍﻟﻨﺒﺮﺍﺕ
ﻭﺁﻫﺎﺗﻨﺎ ﺍﻟﺒﻘـﺖ ﺻﻴﺤﺎﺕ
ﺑﺘﺴﺮﺣﻮﺍ ﺍﻧﺘﻮ ﻓﻲ ﺍﻟﻔﺎﺭﻏﺎﺕ
ﻭﺗﺪﻓﻌــﻮﺍ ﺍﻧﺘﻮ ﻣﻠﻴﺎﺭﺍﺕ
ﺗﺤﻨِّﺴـﻮﺍ ﺑﻴﻬﺎ ﻓﻲ ﺍﻟﺤﺮﻛﺎﺕ
ﻭﺗﺸﺘﺮﻭﺍ ﺑﻴﻬﺎ ﻓﻲ ﺍﻟﺴَّﺎﺩﺍﺕ
ﻭﺭﺍﻛﺒﻴﻦ ﺩﻳﻤــﺔ ﻃﻴَّﺎﺭﺍﺕ
ﺑﺪﻝ ﺳﻔـﺮﻳَّﺔ ﺩﻭﻻﺭﺍﺕ
ﻓﻨﺎﺩﻕ ﺭﺍﻗـﻴﺔ.. ﻧﺜﺮﻳَّﺎﺕ
ﻭﻓﻮﺩ ﺭﺍﺣﺖ.. ﻭﻓﻮﺩ ﻣﺎ ﺟﺎﺕ
ﻭﻧﺎﺱ ﺷﺒﻌﺎﻧﺔ ﺳﻔـﺮﻳَّﺎﺕ
ﻫﺪﻭﻡ.. ﻭﺟﻀﻮﻡ.. ﻭﻛﻨﺠﺎﻻﺕ
ﻭﻧﻘــَّــﺔ ﻣـﻊ ﺍﻟﻔﻀﺎﺋﻴَّﺎﺕ
ﻭﺷﻌﺐ ﺃﺳﻴﺮ ﺻﺒﺢ ﻳﻘﺘﺎﺕ
ﻋﻠﻲ ﺍﻟﻤﻐﺼﺔ ﺍﻷﺑﺖ ﺗﻨﻔﺎﺕ
ﻭﻋﺎﺷﺖ ﺑﻴﻨﺎ ﺑﺎﻟﺴـَّﻨﻮﺍﺕ
ﺑﻠـــﺪ ﻣﻠﻴﺎﻧﺔ ﺑﺎﻵﻫـﺎﺕ
ﻧﻔﺎﻕ.. ﻭﺷﻘﺎﻕ.. ﻭﺍﺭﻫﺎﺻﺎﺕ
ﻭﺧﻮﻑ ﺍﺳﺘﻮﻃﻦ ﺍﻟﺤﺎﺭﺍﺕ
ﻭﻣﺴﺌﻮﻟﻴﻦ ﺿﻤﻴﺮﻫﻢ ﻣﺎﺕ
ﻳﺘﻤﻮ ﺍﻟﺼﻔﻘـﺔ ﻛﻮﻣِّﺸﻨﺎﺕ
ﻭﻳﻌﻤﻠﻮﺍ ﻓﻴﻬﺎ ﻧﺎﺱ ﺻﻠﻮﺍﺕ
ﺣﻜﻮﻣﺔ ﺧﻮﻑ.. ﻭﺇﻋﺪﺍﻣﺎﺕ
ﺳﺠﻮﻥ.. ﻭﺩﻣﻮﻉ.. ﻭﺩﻓﻌﻴَّﺎﺕ
ﺣﻜﻢ ﺯﻧﺪﻳﺔ ﺭﺷﺎﺷﺎﺕ
ﻭﺑﺎﻗﻲ ﺍﻟﺸﻠﺔ ﻏﻮَّﺍﺻـﺎﺕ

ﺃﻗﻮﻝ ﻟﻴﻜﻢ ﻛﻼﻡ ﺑﺎﻟﺠﺪ
ﺧﻼﺹ ﻭﺍﻟﻠﻪ.. ﻭﺻﻠﻨﺎ ﺍﻟﺤﺪ
ﻣﺘﻴﻦ ﻳﺪ ﺍﻟﻐﺒﺶ ﺗﺘﻤـﺪ
ﻭﺟﺪﺭﺍﻥ ﺍﻟﺨﺪﺍﻉ ﺗﻨﻬــﺪ
ﻭﻳﺘﻘﺪَّﻡ ﻋﺸﺎ ﺍﻟﺒﺎﻳﺘﺎﺕ

ﺗﻔﺎﻭﺿﻮﻫﻢ ﻋﻠﻲ ﺍﻟﺜﺮﻭﺓ
ﺗﺴﻴﺒﻮﺍ ﺍﻟﻤـﻦِّ ﻭﺍﻟﺴﻠﻮﻯ
ﻭﺗﻤﺸﻮ ﺗﻜﻮﺳﻮﺍ ﻟﻠﺤﻠﻮﻯ
ﺑﻠﺪ ﻣﻌﻄﻮﻧﺔ ﻓﻲ ﺍﻟﺒﻠﻮﻯ
ﻭﺿﺎﺭﺑﻴﻦ ﺍﻧﺘﻮ ﻛﻨﺪﺍﺷﺎﺕ

ﺗﺸﻴﻠﻮ ﻗﺮﻭﺷﻨﺎ ﻟﻠﺨﺎﺭﺟﻴﻦ
ﻭﺗﻘﻌﺪﻭﺍ ﺍﻧﺘﻮ ﺷﺒﻌـﺎﻧﻴﻦ
ﻭﺷﻌﺒﻨﺎ ﻛﻠﻮ ﻣﺤـﺮﻭﻣﻴﻦ
ﻳﻌﻴﺶ ﺑﺎﻻﺳﺘﻼﻑ ﻭﺍﻟﺪﻳﻦ
ﻃﻌﺎﻣﻮ ﻗﻠﻴﻞ.. ﻭﻛﻠﻮ ﻓﺘﺎﺕ

ﻧﻔﻮﺱ ﺷﻘﻴﺎﻧﺔ.. ﻣﺤﺮﻭﻣـﺔ
ﻭﺭﺅﻭﺱ ﻃﻮﺍﻟﻲ ﻣﻬﻤﻮﻣــﺔ
ﻭﻋﺮﻭﺵ ﺑﺎﻟﺒﻄﺶ ﻣﻮﺳﻮﻣﺔ
ﻭﻛﺮﻭﺵ.. ﻭﻗﺮﻭﺵ.. ﻭﻣﺎﻳﻘﻮﻣﺎ
ﻋﺮﻭﺽ ﻣﻔﺮﻭﺷﺔ ﻓﻲ ﺍﻟﺴﺎﺣﺎﺕ

ﺑﻨﺎﺕ ﺿﺎﺭﺑﺎﻫـﻦ ﺍﻟﺒﻮﺭﺓ
ﻭﻭﻻﺩ ﺑﺲ ﺷﺮﺷﺤﺔ ﻭﻛﻮﺭﺓ
ﺣﻜﺎﻳﺔ ﺷﻌﺐ ﻣﺸﻬﻮﺭﺓ
ﺭﻛﺐ ﻓﻲ ﺣﻜﻤﻮ ﻣﺎﺳﻮﺭﺓ
ﻭﻭﺟﻊ ﺁﻻﻣﻮ ﻛﻤﻴَّﺎﺕ

ﺑﻴﻮﺕ ﻋﺸﻌﺶ ﻋﻠﻴﻬﺎ ﺍﻟﻬﻢ
ﺣﻜﺎﻭﻳﻜﻢ ﺗﺠﻴﺐ ﺍﻟﻐﻢ
ﺗﻤﺮُّﺩ ﻭﻧﺎﺳﻮ ﺳﺎﻓﻜﻴﻦ ﺩﻡ
ﻳﻔﺎﻭﺿـﻮﻛﻢ.. ﺑﺘﺪﻓﻌﻮ ﻛﻢ؟؟
ﻭﺟﺎﻫﺰﻳﻦ ﺍﻧﺘﻮ ﺑﺎﻟﻜﺎﺷﺎﺕ

ﻣﻌﺎﺭﺿﺔ ﺑﺲ ﻟﻌﺐ ﺃﻃﻔﺎﻝ
ﻣﻜﺎﺟﺮﺓ ﺑﺲ ﻋﺸﺎﻥ ﺍﻟﻤﺎﻝ
ﻛﺘﺮﺓ ﺃﺣﺰﺍﺏ.. ﻭﺳﻮﺀ ﺃﺣﻮﺍﻝ
ﺑﻠﺪ ﺟﺪ ﺣﺎﻟﻮ ﺑﻘﻰ ﺑﻄَّﺎﻝ
ﻣﺤﺎﻝ ﺗﺤﻤﻴﻬﻮ ﺑﺲ ﻛﻠﻤﺎﺕ

ﺣﻠﻴﻞ ﻭﻃﻨﻲ.. ﻭﺣﻠﻴﻞ ﻧﺎﺳﻮ
ﺳﻘﺎﻧﺎ ﺍﻟﻤُﺮَّﺓ ﺑﻲ ﻛﺎﺳﻮ
ﻭﺿﺮﺏ ﻃﺎﻳﻮﻗﻨﺎ ﺑﻲ ﻓﺎﺳﻮ
ﺃﻛﻴﺪ ﺣﻨﻜﺎﺗﻞ ﺃﻧﺠﺎﺳﻮ
ﻭﻧﺼﺒﺢ ﺑﺮﺿﻮ ﻧﺎﺱ ﺣﺮﻛﺎﺕ

ﻳﻜﻮﻥ ﺩﺍﻙ ﻳﻮﻡ ﻋﻈﻴﻢ ﻓﻨﺎﻥ
ﻭﺗﺮﺟﻊ ﻟﻤَّـﺔ ﺍﻟﺤﺒَّﺎﻥ
ﻋﻠﻲ ﺍﻟﺒﻠﺪ ﺍﻟﺼﺒﺢ ﻣﺰﺩﺍﻥ
ﻭﻳﺒﻘﻰ ﺣﻘﻴﻘﺔ ﻫﻮ ﺍﻟﺴُّﻮﺩﺍﻥ
ﺑﻠﺪ ﻣﺘﻮﺷﺢ ﺍﻟﺒﺮﻛﺎﺕ

كنت بونس فى الغيم النازل من حاجب عينك

البركات دي كانت زمان زمن الناس طيبة وحلوة

اما الان فكل شي تهبشو ما يهو

الزمن اتغير والناس اتغيرت

وعشان اوريك الفرق

النص الفوق بختلف تماما عن النص التاني

ولا ما كدي

انا ما بفسر وانت ما تقصر

ازيك يااستاذ مشتاقون حد السفر عبر الزمن

انت ونستنا ونسه دقاق محتاجنها

والقصيده المتمسحه بالصراع دي هبشت حاجات تانيه حامياني

عوافي والعيد مبارك عليك

النص الأول ... يحكي عن البلد البنعرفو وبعرفنا
النص التاني... غريب علينا... بحكي عن واقع لم اعيشه إلا في الحكاوي
عشان كدا.... عايزين السودان يرجع ذي ما كان في النص الأول
وكفاية هدم للقيم السمحة دي