طبق اليوم
 

ام شعيفة

طبق اليوم سهل التحضير وغير مكلف وسهل وجميل من اسمو

واي واحد من طرف يمكن ان يعملوا واي واحدة بي باقي نعستا ان تجهبزوا

يوكل بي كسرة او العصيدة

وللاطفال والكبار ويتميز بانة بارد في البطن وسهل الهضم ولا يسبب اي متاعب لا في الجيب ولا البطن

المقادير

بصلة او بصلتين
حبة زيت ، حبة كزبرة ، حبة ملح
مقدار مناسب من الموية
مقدار مناسب من الويكة

طريقة التحضير

كبي الموية في حلة
كطعي البصلة وكبية في الموية مع اضافة البهارات
دعيها لمن تنجض البصلة واضيفي الويكة
اتركيها حتي تبرد وقدميها لافراد الاسرة
وبالهناء والشفاء
يمكن ان تختلف الوصفة من منطقة لمنطقة ومن شخص لشخص
جربوها وسوف تنال اعجابكم

وحتي طبق اخر دمتم سالمين

رائع جدا يا أبوساجدة... بس اسمها شنو دي
وفي داعي لإضافة الويكة
السليقة دي قالو لا بتغلط عليك لا بتوسخ يديك
بس الكسرة وينا

اسما شنو دي

ههههههههههههه دي اسمها ام شعيفة


ونديك واحدة كدا من بيت الكلاوي

الاسم : ام تكشوا

المكونات : بصل وبهارات وخدرة يابسة

طريقة التحضير :

يقطع البصل لحلقات ويتبوخ بالزيت ويطفا بالماء وتقدح البهارت وتضاف اليها الخدرة اليابسة وتترك حتي ينضج

وتفرك بالكنش ( المفراكة )

وتقدم بالكسرة او العصيدة

بس اعملوا حسابكم ما تقوموا تتشاكلوا بعد الوجبة لانها تزيد الطاقة وابقوا هادين

وام تكشوا سعيدة

الاخ ياسر : إستشارة فنية مامكن نستعيض عن الخدرة اليابسة بي خدرة مايابسة يعني ؟؟؟;)