سارة ابراهيم مثال للخداع
 

المشهد .
في موقع اجتماعي ادعي احدهم انة سارة ومصابة بي سرطان
وجاب صورة لبت في عمر الاربعة سنين
صلعا
وعاملة احمر سفايف
ومبتسمة
وهاك يا لايكات وتعليقات وتضامن
وصلت مرحلة انو الناس تحلق صلعة
وصار هم شاغل
وتم ابتزاز الناس بي الصورة في سبيل كسب رخيص
وفي النهاية اتضح ان الموضوع فنكوش كبير
......
دي واحدة من صور الغش والنفاق في وسائل الاتصال الحديثة
وكلنا قد نكون وقعنا بصورة او اخري لنوع من القش
واصبنا بخيبة امل
اكثر الاعلانات والدعايات
اكزوبة
ولا تصدق احد
خليك بين بين
الصدق صار عملة نادرة
عشان ما اجيك احباط اكبر من الفية دا
واسمع بي جاي وفرق بي جاي

غايتو الحمدلله ما سمعت بالخدعة دي...إمكن لأني ما قاعد أقيف كتير في الحاجات
البقولو فيها
لو ما قالت (شنو ما عارف) بحصل ليك (شنو ما عارف)
أو لو في شيخ شاف شنو ما عارف...وقال لو ما عملت لايك بحصل شنو ما عارف
...........
اعتقد المشكلة في طريقة التعامل مع سبل التواصل الإجتماعي
فبالرغم ما بها من خير كثير لا يمكن أن يحصي
لكن هذا الخير ممكن أن يستغل ببعض اصحاب القلوب الضعيفة
(من اجل كسب رخيص)
...........
غايتو نسأل الله السلامة
ويشفي كل مريض كان بسرطان ولا كحة