طلاق تلاته تاخدوا تلاته
 

في ليلة شتويه من زمهرير شهر يناير نمت وتدثرت بالبطانية جيدا
فنمت نوما عميقا عميق
كنت جالسا في المسطبه الشماليه من استاد برشلونه وان احي كل من ميسي ورفقائه الميامين نزلوا الي الملعب وحيوا الجماهير وقد وصلتني التحيه من ضمن الموجودين
ثم راءيت ذو القمصان الحمر يهرولون داخل الاستاد لزوم التسخينه ثم يتفرقون
فركت عيني ايام فركه كي اتبين النازلين
بهاء الدين في حراسة المرمي خليفه وبله جابر ولم اتبين البقيه ولكن لمحة كاريكا في الهجوم
صفر قاضي الوسط ايذانا ببدايه النزال ولم تمضي دقيقة والا كانت الكره تتهادي في الشباك قووووووون يا الرشيد بدوي عبيد قوووون كاريكا كاريكا نعم انه الهدف الاول بعد ان راوق بيول وبقية العقد الفريد من دفاع البارسا يا ناس
مضت الدقائق وكانها ساعات وفي الدقيقة 39 يعلن الحكم ضربة جزاء صحيحة تقدم اليها نذار حامد وبكل ثقه يضعها هدف ثاني علي يمين الحارس الاسطوره وتستمر المباره سجالا بين الفريقين حتي يعلن الحكم نهاية الشوط الاول
وبين الشوطين كان التحليل
الساده ومحمد موسي
(تعتبر المجموعة الموجوده حالين من اكثر المجمعات تجانسا وهم مستقبل الكره في السودان) وقبل ان يكتمل التحليل صفر الحكم بداية الشوط الثاني
بكر المدينة بكري المدينه بكري المدينه قوووووووون في الدقيقة الاولي من الشوط الثاني
(الهم اجعله خير .......... يا اخونا كده اسالكم بالخير اخونا مازدا ده مولود يوم 3 من شهر 3 سنة ثلاثة وكم كده)

كابوسك دا اخير منو تحلم إكون ساكيك كلب... في زقاق وويلاقيك تور ساكنو للضبيحة

اخونا عبده
السلام عليكم ورحمة الله
السكة ده ممكن الواحد اتخارج منها بي نطة حيطه
لكن البخارجنا من التلاتات في الامم الافريقيه الجايه ده شنو

أخواني الطيبين الطيب وعبده وكل الاهل ليكم التحية وعقبال ما نشوفكم في كأس العالم نلعب شنو ماعارف المهم نشوفكم وخلاص
يا اخوانا هسي الناس ديل التلاتات دي لو وزعوها لينا مع الوجبات مالو ؟؟؟ على الأقل ناكل تلاتة وجبات نتعلل بيها ونقول نحنا عيانين عندنا حبوب والله صحي عيانين ولازم نراجع إختصاصيين واستشاريين لكن وين نلقى لينا واحدين شاطرين كده يقدروا يشخصوا حالتنا المستصعية دي ؟؟؟ وكان ادونا الحبوب ووقعت تلاتة نسوي شنوووووو ؟؟؟؟؟؟ ياخلف الله حيرتنا والله قصة الحبوب دي ذكرتني نكتة مرة عجوز عندها بتين بس واحدة إسمها اللزوم والتانية كلتوم مرة قالت عيانة - ( زي عياء كورتنا دي ) ومشت للدكتور قام كشف عليها وكتب ليها حبوب قال ليها ديل تبلعيهم عند اللزوم بعد طلعت رجعت ليه تاني قالت ليه هي لكن يادكتور كان مالقيت اللزوم أبلعهن عند كلتوم ؟؟؟؟؟ هسي المفروض من الإتحاد العام للكرة السودانية مايخسر ولا جنيه واحد في سفريات ونثريات والجماعة يعملوا فيها مشاركين في النهائيات وفنادق وفسح وخسارة ديباجات ساي وتذاكر وهيلمانة في الفاضي المفروض يقوم يجيب المنتخبات الواقعة معانا في المجموعة ويقول ليهم تعالوا التلاتات دي ادونا ليها هنا نحنا مابنقدر نتحرك من كترة الحقن وبعد مايجونا نعمل المباريات مقفولة بدون جمهور وبدون إعلام ولا جوال واحد مايدخل الإستاد حتى لو كان تلاتين عشرة ذاته مايدخل بس يكون غلب سكيتي مش قالوا الشينة منكورة وزي مالقال كابتن تيوة وريتونا لكن ...
زمان أهلنا يقولوا للزول الفقد حاجة البركة في الباقي ليك لكن هسي نقول البركة في شنو ؟؟؟؟؟؟؟؟
البجاوب على السؤال عندي ليه تلاتة هدايا
يارب القبلتين واعز تلاتة مساجد أسترنا من تلاتات إفريقيا وشلالات غينيا والجابون ويسر ولا تعسر وحوالينا لاعلينا ( يعني الكور كلها تضيع برة الشبكة )