|
أم الحسن...أداء محمد النصري
|
ألف شكر أختي أم باسل على الأغنية الرائعة وأسمحي لي أن أشارك معك بكلمات الأغنية وهي من أشعار المبدع خالد شقوري أم الحسن وقفت بعد حلبت لبينة الشاي تكورك يا الحسن يا ام الحسن وينو الحسن!! لمن صِفت رغوة شخيبات اللبن في حلتا المبني من طبق السكن واقفي في حوش البهايم ولسع تكورك يا الحسن جاها حساً من بعيد مارق من القاطوع ورا قال ليها خير يا الحاجي خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير العشى غنمو من الدرب سرقت ندي وشو الهجير سوتلو شاياً بي لبن قرض معاهو حرف فطير قالتلو بسم الله قول وأكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضلي بس منو اليقين وانت طوّل في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات آجناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليكا في لوري الخزين |
اذا مريت سريع اقدر اقول معجب بالذكاء الفطري للشايقيه اب شلوخا ميه انا ذي قرايتك ما قريت لكن عويناتي بيفرزن الوريقه البيضه من لون القلم معجبا ايضا باستخدام المفرده المتفرده والممتع في كلمة ضنين للشوف والبصر |
أخوي عبدالمنعم تحياتي والسلام ......عجبني شديد سردك للاغنية ...وما أروع هذا الكلام ... اعطينا المزيد تحياتي إليك اخوي الصغير عاطف دايماً كلامك حلو وشيق... ذكرتني ..باحلي أيام لي في منزلكم ... مع أهلي وحبايبي...يلا فرحونا بابداعاتكم ....اختكم إم ،،باسل |
|
لكم جزيل الشكر علي منحكم لنا هذه الدرر الثمينه
|
الاخ عبد المنعم
السلام عليكم ورحمة الله وكذا الاخت ام باسل لها خالص التحايا انت الشوايقه ديل ما بخلو حقارتم حتي في شعرهم (تعال اوريك حق ابوك الجم حقيق حاج اللمين ) |
الأخ الطيب طبعاً لازم تكبِّر كوم وليدا وكل همها (يقولو ولداً عندو طين) دي مهمه شديد بعدين يا شيخ الطيب الناس ديل ماهم حقارين يا خي ديل كاتلاهم الطيبة والحنية |
Quote:
الاخ الطيب محمد عبد القادر لك التحية دي ما بفكر فيها الا .... زي التوقيع بتاعك ده (المحامي _ ام درمان) نكيت شديد |
| All times are GMT. The time now is 01:25 PM. |
Copyright ©2000 - 2024, Futeis.com