|
المرفعين حقيقة أم خيال؟
زمن زمان وياحليل زمان كان المرفعين بخوفونا بيو خوف ونحن في قرارة نفوسنا عارفين ماف مرفعين ولاشي ، فحقيقه المرفعين موجود لكن ماالأصلي تزيف يعني made in mine الناس الأدت أوصاف كل زول مرفعينو براو حسب خيالو وأنا أوكد من الإتجاة الشمالي الغربي ماف مرفعين بس في حكاية بتاعة 20أو 25 كلب منها الخطير ومنها الله يلزمنا الصبر ، فياجماعه المرفعين وأم بعلو جاااااااكم - نوم ياود قبل أنادي ليك ام بعلو ___
___ بعدين أنا مابجزم بالكلام دا إحتمال يكون في مرفعين لأنو البلد دي مافيها رادارات يكون جوا مرفعينات ورادارنا عطلان |
رادارات ؟؟؟؟؟؟؟؟؟؟؟؟؟ ما تعتمدوا عليها كتير دي الداخل فيها اكتر من المارق عليكم بالدفاع بالنظر!!!!!!!!!!!!!!!!!!!! ثم بالنسبة للمرفعين موجود ما تعولي علي حكاية خيال دي كتير والعهدة علي عضو المنتدي بكري النور موسي شاي العصر فقد قرأت له مقال بموقع سودان نيوز ذكر فيه الاتي: المرفعين حيوان لايعرف الوفاء ولا الإخلاص وغادر يتحين الفرص ولايهدرها, لأنه جبان لا يصادم ولا يواجه ,ولا يأكل إلا الشاة القاصية المصابة بالهزال.ولا يخرج إلا في الظلام الدامس يتحسس الجيف والفضلات.لا يعيش داخل الغابة ولا يطبق عليه قانون شريعة الغاب.لأنه يعيش في أطرافها يتربص لكل ساقطة وكل لاقطة. |
نظرية الدفاع بالنظر دي مرات بتخيب لانو في حاجات مرات لا تخطر بالبال قاعدين نشوفا الايام دي حاصلة
منها الاغتصاب ( كل يوم الجريدة تجيب ليك خبر - استاذ اغتصب ....... وشنو ما عارف - قصر اغتصبوا ...... ) لذلك الدفاع بالنظر اعتقد يجب ان يطور لنظرية جديدة تتواكب والاحداث الفي البلد تعتقدي النظرية الجاية حا تكون شنو |
كان خبر المرفعين من الأخبار التي لاقتي في طرف الحلة قبل أدخل
وقالو أكل كم حمار....وبياكل البطن بس يعني الارجل والراس موجودات لم أستغرب كثيرا بالرغم إن الخبر كان منتشر جدا ... جمعتني جلسه لزيزة برجل الفكاهه ... معتصم أو بالاصح الحاج معتصم محمود حكي إن لديه كديسة والدة يعني لسه بتحول جنياتا من حتة لي حتة بي خشما... في يوم من الايام استغرب جدا عندما وجد انها أكلت احدهم ولم شافا...أدتو عين ... زي البتقول ليهو ... مالك ومالي واعمل حسابك قام بإخراجها ومن اليوم داك بنومو جوه والغرف مقفلة وقال دي أكلت جناها البحميها تاكلنا نحنا شنو ... فالمرفعين .. الكان لامي في حمير الحلة "إذا صح الخبر" ممكن يكون كلب أو ذول مع العلم إن في المنطقة يوجد فقط الكلاب والانسان من أكلي اللحوم (كارنفورس Carnivores) ويتفوق انسان المنطقة بانو (Polyphagy)...يعني بياكل اي حاجة قدامو بعد ما كان Omnivore...يعني بياكل خضار ولحمة بس اها كان في مرفعين ممكن يكون يا كلب يا ذول والله يكضب الشينة |
شكرا لكاتبة البوست ونستأذنها للتوضيح بخصوص المرفعين. المرفعين هو الذئب لكن في السودان عرف بالمرفعين وهو من فصيلة الكلاب وشبيها لها تماما لكن مؤأخراته قصيرة جدا لأن أرجله الخلفية أقصر بقليل من أرجله الإمامية وهذا هو الفرق بينه وبين الكلب لو زرت حديقة الحيوان بالخرطوم تجده منزويا وخامل ليس له وجبة خاصة كبقية الحيوانات لأنه يعيش على الفضلات شأنه شأن الخنازير وهو حيوان كثير التوالد والتكاثر.شكل خطورة على الثروة الحيوانية بالجزيرة قبل قيام مشروع الجزيرة وبعد المشروع هاجر للمناطق البعيدة وهو الأن يعيش في الغابات حيث الهدوء . ودأم بعلو والدودو هذه هي أسماء في حياتنا أدخلت فينا الرعب والخوف وهو بعبع غير موجود ولم يخلق بعد ولكن أسماء لها رنين لن ننساها أبدا فهي رأسمال طفولتنا وسوف نعض عليها بالنواجز حتى يرث الله الأرض وماعليها, شكرا لكاتبة البوست فقد نقلتنا للزمن الجميل |
عفوا أستاذ بكري النور يعني نمشي وننوم في الحوش بإطمئنان كدا المرفعين ما حأيأكلنا وذنبك علي جنبك يا أستاذ كان أكلنا مرفعين
|
Quote:
الأستاذة / رشـــــــــــــــــــــــ ــــــا تحية مقرونة بالشكر على التعقيب أول حاجة ياحليل مرفعين زمان البياكل الغنم والدجاج , نحن اليوم مع أخطر أنواع المرافعين البياكلو الزول واقف بيطلو .سيدتي رشا هل أتاك حديث المرفعين الإنقاذي الذي يأكل الأخضر واليابس وعامل ليهو دقن كبيرة وشايل ليهو سبحة ويردد هي لله وهي للدنيا وللإحتيال والإنقضاض على الفريسة . أنا لا أخاف عليك من المرافعين الحيوانية إنما أخاف عليك من المرافعين البشرية وهذه هي أخطر أنواع المرافعين التي أبتلينا بها في هذا الزمان الغادر . المرفعين الإنقاذي لا يرضى بالقليل ولا يأكل النطيحة ولا المتردية ولكنه يأكل على حساب صحتنا وتعليمنا وتنميتنا فتجده يبتلع المشاريع والبنوك والقروض ما ظهر منها ومابطن ويبتلع مال البترول والدهب وهلمو جرا. مرفعينا الأصلي حق زمان له صفات لا توجد في المرفعين الإنقاذي لانه جبان ولذا تجده يستحي ويتخذ الظلام سبيلا للوصل لفريسته ويحمد له أنه يأكل فريسته بأسنانه ويلوكها عدة مرات حتى يسهل هضمها. أما مرفعين اليوم فهو يبلع فريسته بلعا ولا توجد عنده ذرة من الحياء وعلى عينك يا تاجر. ايهما أرحم يا رشا مرفعين الأمس أم مرفعين اليوم. شكرا لك وأسف على الإطالة. |
السلام عليكم أستاذ بكري المرفعين الإنقاذي دا خطير شديد بس تعرف إنو دا من نوع بقلع من جوا عينك رجالة بحجة ذاد المجاهد مجاهد شنو دا وإنت بتسوي ف شنو تكب في كرشك دي مرفعين الإنقاذوالمرفعين البشري المغتصب والمرفعين الحيوان أخف قدر بيأكل بدون أضرار لكن وآآخوفي من فصيلة الكدسة والكلاب
______ شكرا أخ بكري رسالتك وصلت |
| All times are GMT. The time now is 07:39 PM. |
Copyright ©2000 - 2024, Futeis.com