ياشباب
 

الأخوة الكرام جمعة مباركة ,,
ملاحظة ان الأخوة هبطت همتهم عن المواضيع الساخنة وبردت وهمدت نارها ..حتي ولا ذكر لها ولا مستجدات عن المواضيع التي كنا نناقشها وأين وصلت الأمور في المواضيع التي دارت حولها الأجتماعات والمداولات ... وجملة الأفكار التي طرحت وتم مناقشتها وأستقرار الرأي حولها ؟ وما عارف الواحد يسأل منو وأشكي حالنا لمنو والشكية لأب بيدن قوية ... عبده عداها سفريات ما بين بلاد الله الكبوتا ..(يعني الواسعة ) ومأمون حردان ونفسو مقفولة وطامة وشجرة ليمون مابتريحوا.. وأمير ما فاضي يلعب ساي مع بنيتو ..وعيك الجماعة عملوا نيام ..أفتونا ياشباب ؟

أخ عارف لك التحية وانت تحرك فينا......النقاش الجاد بسخرية رطبة
سامحنا علي الغياب...والحمدلله وصلنا أرض الضباب...وجيتك راجع
وبرجع ليك كل المواضيع اللنفتحت.......بس اديني ذمن
لي يومين بكنس في المنتدي....وداير ترتيب أفكار
وبجيك راجع لو باقي في العمر بقية ذي ما بقول مامون

والله يا اخونا حتي المدير العام اختفي
قبل فتره كانت له مشاركات رايعه
اسي بقي يظهر فجاهء ويختفي
اصحوووووووووووووووووووووا

مديرنا العام حمد الله علي السلامة وعوداً حميداً مستطاب ونحن في أنتظار المستجدات وراجع كل المواضيع علي مهلتك .. وتعال ورينا رايك في المكتوب .. وعاطف الله أديك العافية وعشمنا فيك ماخاب وكتر خيرك .. وما مشكور علي الواجب لكن والله قليلين البعرفوه... ماك شايقي وجدك يوسف حامد طه .. بس ما أسمعنا عوض ود الخضر .. وعبدالملك مش فايتاه أربعة ركعات دا جاء الضهر لقي الناس في المغرب .. أخونا نايم وراكب ركشة ومخرم بزقاقات .. تحياتنا للجميع وما خابت فطيس لو أهلها زيكم .. المساهمات ترسل للأخ مأمون عبدالله