|
الحب في زمن الاسلحة
في ليلة زواجي سمعت الفنان يلعلع والشباب بعد نهاية كل مقطع اسمعم منفعلين ووووووووووووووووووووووووو ووك وانا ما فاهم ولا فارز شي سالت دا بقول في شتو قال لي الاغنيه بتقول لو بتسمع الحدثك وتسمع كلام الناس اضربني بمسدسك املاني انا رصاص قلت في خاطري لا حولة ولا قوة الا بالله واتزكرت طوالي السنين العشت فيها معاك هنايا اقوي من قول العوازل واسمي من كلمة وشاية ولو خلاص قلبك نسي الايام معاي برضي راضي في الغرام كم من ضحايا بس تاكد يا حبيبي انه حبك في دماي اها الاغنيه التانيه بتقول قنبله حلاة الزول في الطول والعلا ولحدي اسي ما قدرت افهم العلاقة بين الطول والعلا والقنبلة لكن اتزكرت زي فريع البان اليسوح نديان والله يا سلام البانه دايما رمز الطول والعلا في كل ما سمعت في زمن الغنا السمح يا خوانا الناس ديل مالم ولا نحن مالنا |
عاطف يالذيذ
غايتو نحنا الحمد الله أذننا لم تتشنف بمثل هذاالكلام وإن شاء الله لانسمعوا ولا نقرأه بعدين حرم كان منك الفنان ده كان جلدته جلده عمره ما سمع بيها على العموم إنت كسبت الأهم منه وربنا يبارك تاني كسرة : زولك إتصل علي ومشكور وماقصرت قربت المسافات لك ودي |
معليش يا عاطف خليك مودرن حفلتك كانت رائعة والشباب هيّصو إنت عامل الحفلة لي منو مش ليهم ؟ وخليك من حكاية كلمات الأغاني ما في زول بسمع حاجة المهم يكون في عازف أورغ وما شرط يكون بعرف يعزف بس كل مرة يدوس أي إتنين من الصباعات ويحدث جلبة وكده خلاص الحفلة كاربه. أرجوك حمل هذا السخف لفنان يسمى الإمبراطور .. إمبراطور الأغنية السودانية طبعاً وهو حقيقة طرطورها بس نعمل شنو؟ [RAMS]http://download772.mediafire.com/ah2mh10ayghg/mymytnwdygz/%D8%A7%D8%B4%D8%AA%D9%82%D8%AA+%D9%84%D9%8A%D9%83+ %D9%8A%D8%A7+%D9%85%D9%86%D9%82%D8%A9.mp3[/RAMS] حمّل أغنية طرطور الأغنية السودانية من هنا وبعد ما تسمع أدينا رايك |
والله انا بصراحة ربنا كده ..... ما كنت عايز اخوض في مسألة الغنا والاغاني..... بالعربي كده انا زايغ من قسم الاغاني ده عدييييييييييييييييييييييي ييييييل..... لا قديمو ولا جديدو.....لكن انا اعتقد ان الغنا انعكاس للحالة العامة.... حرب في دارفور... هجوم عز الضهر علي قلب الخرطوم..... ضرب وجلد لمجموعة من الاطباء.... واعتقالات وتعزيب بالكوم..... وعايزين الغنا ما يكون في الساحة.... اكيد الناس حتغني تبع الظرف الموجود... تخيلو ان السودان روق والمواطن ماكل شارب امن..... اكيد حنسمع اغنيات غاية في الجمال..... فالغنا ابن البيئة.... ان تحسنت تحسن .... وان سأأأأأأأأأأأأأءت ساء وساء وقعه.....
|
والله يا عبد المنعم كلام دا عمل لينا حوص بينا عديل ما عرفنا عاوز يشبه حبيبو دا بي شنو مرة بي المنقه ومره بي شجرة المنقه لانه جابت صفق وجزور ومره بي باقة عسل رقم انه العسل بكون في خليه ومره بي زرزور ومره بي نار والله دا ذي شعر اللبيب دونقا المطره صبت والتروس اسقن خشيمات البنات البي الابار ادقن حبك رماني من الحماره بردلب لكن ما سوت لي حاجه كان الله في عون الاغنيه السودانيه كان دا امبراطوره وكان الله في عون شبابنا كان دا نجمهم |
الاخ الصادق عوض لك التحية وشكرا علي الاضافة الطب اتشوه ؛ الهندسه اتلخبطت ، التدريس اتمترس الكوره اتكورت والله كان مفردة الادب والاغنيه بقت المسدس والقنبله يبقي دا ارهاب عديل الاغنيه دايما الواحه البتطلع الواحد من اليومي كان حرب كان ضغط معيشه كان ضغط عمل لكن كان وصلت هنا يبقي علي الزوق والجيل بي اكمله السلام يا الصادق المساح كان ترزي ما كان ماكل شارب مرتاح ومع ذلك لما استعصي عليه مطلع اغنيه شال جوز المويه في كتفو لحدي بيت صاحبة الشان رغم انه ما كانت شغلتو لكن رجع لينا ومتعنا بي نغيم فاهك يا ام زين دواي شفاي البجبر قواي |
أخي عاطف صباحك خير .. عجبني الموضوع .. واخونا مأمون لسه عايش مع أحمد المصطفي .. ولو داير تتأكد من جملة الأسفاف والمهازل وشكل الرقيص الذي يخجل من البنات والبنين .. أحضر ليك حفلة وشوف وأسمع.. حتشوف العجايب .. غناء بشوفوه شوف ما بسمعوه .. وياريت لو شفت شكل البرقصوا .. يا لطيييييف .. والله حاجات مقرفة ..كلمات ركيكة وزبالة .. ولو داير تعمل مقارنة بين أمس واليوم أكيد تكون ظلمت غناء أمس .. وأنسان أمس .. والشباب البرقصوا ديل لو أتفرض عليهم الكلام الجميل ما أظن كان أتلووا تحت غناء غث .. بس ستات الشاي ــــ مع الأعتذار لفاطمة وعائشة في السوق ـــ كلهن بقن فنانات من وين أجيبن الزوق وفهم الكلمة الحلوة .. وتأكيد لهذا الكلام .. في زواج أخونا جعفر النضيف كان بسيف الجامعة والدنيا عيد والدنيا ملمومة كلها جنب الصهريج .. كل الشباب كان مربع يديه ويتفرج .. كان معاي ضيف من بحري معانا في مكة وجانا زيارة وحضر الحفلة .. قال الناس بتتفرج مالا زي حفلة التخرج .. أنعدم الأحساس بالكلام السمح ..قال قنبلة وراجل المرا.. بالله شوف المحن ... وعلي وزن هذه الأشياء ممكن تتخيل غناء بكرة ؟؟ لقيتو جنب الزبالة.. حبيبي أب ريالة.. حبيبي ختف السفة شالا.. والمرا كايسة جهالا ..وممكن تمش في الكلام وتدخل فيهو شتايم وكلام فارغ ولا زول بجيب ليك خبر ..
|
بالله عاوزك بس تقرأ الكلمات ديل وتتخيل مين البرقص .. أكيد ما بت لابسة ضيق وكل التقاطيع والتقاطعات تبين للفراجة .. ولا واحد لابس زي البت البترقص جنبو وحالق شنبو ..ــ التاج علي كان لو ما وقف قدام المراية ساعة أهندم في شنبو ما بطلع الشارع ..وليدات شبه بنيات تفتكر أغنوا ليهم شنو؟؟؟
العيون البيض لو صفن يجرحنك ويتلاطفن مرة نظرن لي أوقفن شالو نومي ما أنصفن يا حلاتن هن أساس الريد والفنون ^^^^^^^^^^^^^^^^^^^^ يا مداعب الغصن الرطيب ببنانك أزدهت الغصون زادت جمال ونضار وطيب يالمنظرك للعين يطيب وتتبدل الظلمات بنور وتتبدل الأحزان سرور لو شافك المرضان يطيب يعجبني وأنت العجيب هادي وأليف ماك نفور بالله الناس ديل ما بسمعوا جنس دا .. والله زي ما قال مأمون حقوا الواحد أجيب ليهو عداره لايوقه الم ليك في الفنان وياريت لو لابس كرافته تمسكو منها وتقع في راسو خبت .. تخلي راسو بزغات بزغات .. عشان تاني تجي هنا وتتهابل بكلام زي دا |
| All times are GMT. The time now is 07:48 AM. |
Copyright ©2000 - 2024, Futeis.com