|
عبده مصطفى عذبتنا
بما إنك أقرب زول للحدث عايزنك تورينا الدقو منو أين ومتى وكيف ولماذا ومن الذي فعلها ثم إنو يعني كان الواجب يحتم عليك تشيل ليك دستة برتكان وكم كيلو موز وتمشي المستشفى باسم المنتدى وتعمل الواجب عشان ترجع وتورينا كم يساوي عمق الجرح النازف وهل بشبه جروحنا ولا شكلو غير |
والله يا عبد المنعم كان ما خايف اكون داخل غلط قالوا كسرة محترمه والسبب التمادي في الاستفزاز والعنجه والفاعل اخوان البنات العلموا الجبل الثبات |
كسرة الياباني والتايواني كسرة عدوك بكره يقولو ثبت أن الفاعل مصاب بحالة نفسية |
إنتو عارفين إنو المزعلني ومزعل الجميع هنا.......إنو الإعلام لهذا المؤتمركان محدود سامعين بيهو في لندن....لكن ما ورونا.......كدي ما كان بتتفوت كل الاخبار الجاتنا ....... ياهو الكلام المكتوب في الجرايد الإلكترونية ولسه ما لاقين شاهد عيان........والشمار دا واجعنا بالحيل |
المرأة المتباهية كانت تقلّب المصوغات الذهبية بهمة فاترة ولامبالاة تدهش الصائغ الذي كان يطمع في زبون مترع ومحفظة منتفخة وبعد أن قلبت جميع ما كان يعرضه، المرأة أقتربت من الصائغ وقالت بصوت غنج يفح فحيحاً:بضاعتك ما مواكبة يا أخوي. التاجر قال وهو... يزدرد لعابه: هذه آخر صيحات المصوغات الخليجية. المرأة المتباهية: يخربهم، ليه ما سمعوا بدقّة نافع..! |
ماذا سيفعل الخدش البسيط الذى اصاب الرجل هل سيصلح الفساد ويخفف معاناة اللاجئين فى المعسكرات وهل منطق التشفى فى شخص واحد هو من دواعى الفرح والسرور وهل ذلك الخدش سيوقف مسلسل الانسلاخات من بلد مل الحوار وفشل فى قبول الاخر والسماح لة ان يعيش مواطن لة حق الانتماء والحياة فى وطن تتوزع فية الموارد على اساس العدل والمساواة والمواطنة لا على اساس القبيلة والحزب وهذا الخدش نملة فى اضان فيل تم تجاوزة بضماضة اصغر من طول الاصبع ودعونا من الفرح الغائب ولنتطلع للفرح الطويل الذى لا ياتى الا بالزراع الطويل
|
| All times are GMT. The time now is 01:13 PM. |
Copyright ©2000 - 2024, Futeis.com